入行10年｜張振朗扮「Cool魔」發圍狂接騷 似足張智霖反成事業小低谷？

33歲的張振朗曾被網民封「地獄黑仔王」，事關在2019年他有份演的《堅離地愛堅離地》、《機場特警》、《包青天再起風雲》及《反黑路人甲》都曾因不同因素而被延播。而2020年算是他大豐收的一年，事關繼《機場特警》、《反黑路人甲》、《使徒行者3》、《踩過界II》後，第五套劇集《堅離地愛堅離地》也順利播出。

{{hket:inline-image name="cheung.png"}}{{/hket:inline-image}}

而在《萬千星輝頒獎典禮2020》中，張振朗憑《反黑路人甲》高彬一角獲「最受歡迎電視男角色」。他接受節目《星光路上》訪問時坦言曾諗過會唔會有獎攞：「今年咁好成績，其實都有諗過會唔會有獎，估唔到係「最受歡迎電視男角色」，本身係諗住拎拍檔獎。」

提到自己上年有5套劇出街，張振朗表示：「開心有好多劇出街而又無被觀眾鬧。不過都諗過咁樣播 (劇接劇) 得唔得，最後好彩《堅離地》宅男角色形象好唔同！」 

（↓點擊圖片放大↓）

堅離地愛堅離地｜張振朗首演男一等足3年劇集先出街 有套倉底劇仲誇拍咗20年先播？ 【下一頁】

《反黑路人甲》一劇中，張振朗為了角色去染白髮，他坦言作此嘗試是因有監製推動及自己堅持：「監製嗰時要求我染髮，自己心底都想試一次！」

{{hket:inline-image name="54645.jpeg"}}{{/hket:inline-image}}

而提到與賴慰玲的合作，他就指對方是難得的對手，「好似劇中有幕講我去救佢，拍之前幾個鐘同佢講我想著牛仔褸白T-Shirt，有《天若有情》feel啲，佢就話佢著白裇衫，就比較貼近小倩個角色。我覺得大家會好尊重對方意見，所以好鍾意同佢合作。」

{{hket:inline-image name="KA2_600_600.jpg"}}{{/hket:inline-image}}

{{hket:inline-image name="3_600.jpg"}}{{/hket:inline-image}}

在2006年，張振朗曾經參加英皇新秀歌唱大賽，打入十強的他成功在決賽亮相，當時大會特設殘酷的現場觀眾淘汰投票，張振朗一度成為最高票王，所以他便於八強止步。他回想起這段經歷笑言自己當時乳臭未乾，「當年我同沈震軒係最高票數被foul走。咁新秀完咗就參加超級巨星，頭round已經被foul走咗！唔知點解個陣有咁嘅膽量！」

後來張振朗做過速遞公司文員，「嗰時同自己講畀3-4年時間自己，再做唔到歌手就出嚟做嘢，點知真係做唔到歌手，後尾喺家人鼓勵下去參加藝員訓練班就入咗行。」

{{hket:inline-image name="118769475_913700269154795_718783944911669549.jpg"}}{{/hket:inline-image}}

張振朗在2011年入行，在2014年他在節目《Sunday扮嘢王》因扮演張智霖演唱其版本的《歲月如歌》，而有「翻版Cool魔」的稱號，原來他本人對這個角色又愛又恨。他說當時做好多功課去研究張智霖喺《衝上雲霄II》中「Cool魔」一角，又指：「大家記得絕對係好事，嗰時直頭係事業上的小高潮，多得扮咗佢，有兩年時間不斷去啲annual dinner，但嗰兩年張振朗係唔見咗。」

（↓點擊圖片放大↓）

他續說：「小高潮之後就有小低谷，好似做極都畀人話係張智霖，譬如我拍《全職沒女》，啲人覺得我扮Chi Lam，我嗰時都唔明。不過而家睇番，唔知點解個時成日扮咗佢個tone，真係好有心想搣咗佢，落咗好大苦功，好難架 。」張振朗指最後用咗兩三年去「搣走」Cool魔形象，「到《踩過界》終於有新嘅形象。」

{{hket:inline-image name="1.jpeg"}}{{/hket:inline-image}}

《堅離地愛堅離地》今晚首播│張振朗今年第5套劇唱埋主題曲 苦等3年終面世具三大追看位 【下一頁】