何哲圖離職星夢娛樂自立門戶 吳若希神預測追問「一姐」機會？

無綫大變天！今日無綫發出內部通告，公布綜藝科揸fit人余詠珊將調離綜藝科，改為協助推動公司業務發展工作。老婆「失勢」，老公何哲圖亦同「失守」，宣布以個人發展為由，本月底正式離任星夢娛樂行政總裁一職，由曾志偉接手發展音樂業務。

2013年何哲圖 (Herman) 將前身星煥娛樂一手改造為星夢娛樂，實屬是無綫旗下的附屬唱片公司，旗下歌手主打唱無綫劇集歌曲，因此，在捧自己友下，《勁歌金曲頒獎禮》大部份獎項都頒給星夢歌手，被網民嘲諷為「星夢頒獎禮」，個個得獎歌手上台攞獎都要講句「多謝Herman」。

至於Herman上任以來先後力捧吳若希、菊梓喬，更將菊梓喬推上「星夢一姐」，連奪多屆《勁歌金曲頒獎禮》「最受歡迎女歌星」獎項。所以，現在Herman離開星夢，以往靠他「加持」的歌手，大地震下未知可會受到不同程度影響？

{{hket:inline-image name="42.JPG"}}{{/hket:inline-image}}

何哲圖一手湊大星夢娛樂，每年《勁歌金曲頒獎禮》無綫旗下歌手都有獎。（圖片︰東星娛樂）

{{hket:inline-image name="38.jpg"}}{{/hket:inline-image}}

連詩雅、JW、菊梓喬、谷婭溦都是星夢歌手之一。(圖片：東星娛樂）

無綫變天｜曾志偉取替何哲圖發展音樂業務 余詠珊被「削權」︰權力冇乜意義 【下一頁】

對於身為Herman的頭號愛將吳若希，對於其離任，她回應傳媒時表示：「Herman對我地好好！多謝佢咁多年嘅照料......希望繼續爲樂壇帶嚟好嘅音樂。」巧合是她早前於自己的YouTube頻道，問玄學師傅陳定幫牛年運程時，「我可會繼續做『一姐』？」當時陳定幫口窒窒答：「其實呢......你喺屋企都係一姐嚟，應該話你可以當一姐，但其實你唔特別去爭會會舒服好多，如果去爭就會有反效果。」吳若希呼了一口氣，「好彩我不嬲唔特別去爭啫！」似乎有點弦外之音！

至於鄭俊弘 (Fred) 亦是Herman愛將之一 ，是Herman把由藝員改造成歌手，Fred對於伯樂離職星夢，他透過經理人回應：「剛剛喺新聞睇到呢個消息。好多謝Herman呢幾年對我喺音樂上嘅栽培。衷心希望佢未來會有更好發展。」Fred同時表示去年年底已約滿星夢 ，新一年對他來說都是新開始。同門的胡鴻鈞則說：「知道Herman 嚟緊會有新方向，衷心祝福佢會有更好嘅發展！音樂上我有任何最新消息都會同大家分享。」

（↓點擊圖片放大↓）

至於去年才加盟星夢的JW王灝兒及王敏奕，JW對Herman的離任表示：「我都好多謝TVB同Herman過去幾個月嘅照顧同支持，亦希望佢未來個人音樂事業會發展得好好！」對於由曾志偉接手負責星夢等音樂工作，JW說：「我由細個開始已經好鍾意睇《超級無敵掌門人》同埋志偉哥嘅電影，所以對志偉哥好有信心，好似佢咁講，一齊進步，帶畀市民歡樂，一齊製作好嘅節目同音樂畀大家！」

至於王敏奕的老公是曾國祥，即是曾志偉的新抱仔，現唱片部有「老爺」揸fit相信更有利sing途！

（↓點擊圖片放大↓）

撰文︰衛紫敏

傷害14億人感情｜Angelababy「不過西方情人節」 反被轟唔用中文名不倫不類 【下一頁】