【聲明】港生活網站並無進行電話推廣活動

中電拍電力知識動畫 教小孩珍惜用電

發佈時間: 2021/02/19

低碳生活人人都可以做得到,黛安知道,中電準備咗多套同節能有關嘅短片,教小朋友學以致用!例如佢哋首次製作合共4集嘅《中中學堂進階篇》和工作紙,透過動畫超人中中4人組嘅日常趣事,教小學生認識香港嘅發電能源組合、各種發電燃料嘅利弊,將發電過程動畫化,令艱深嘅電力知識變得有趣易明,等大家更加珍惜用電。

85間參與中電綠優校園認證計劃嘅小學,就會收到10個網上教學和活動範本,涵蓋能源耗用、節能、資源足印和生態保育,等老師可以配合常識科教學。

另外,因為疫情關係,中電工程師去唔到幼稚園探訪,就改為製作《探索電力之旅》短片,由工程師帶領小朋友由發電廠開始認識發電過程,仲可以睇埋工程師嘅日常工作同慳電節能知識㖭。

中電拍電力知識動畫 教小孩珍惜用電

中電特別製作動畫,深入淺出向幼稚園及小學老師介紹發電燃料組合、智能電網等。

撰文: 黛安 消息特靈八卦公關
欄名: 八卦名利場