內地拍劇返港 羅子溢心痛囡囡變生疏

羅子溢（前名羅仲謙）與鄧佩儀昨日宣傳《陀槍師姐2021》，羅子溢與太太楊茜堯（前名楊怡）早前在內地拍完劇返港過年，他取笑太太「大豐收」：「我哋五個人返香港，足足有17個篋，我仲要騰出一個篋畀老婆用。老婆得閒就上網買嘢，上至面膜，下至煮食用品都買。」他們返港後先租酒店等待檢測結果才回家，但女兒小珍珠因太久沒見而變得生疏，令羅子溢甚心痛：「我扮人肉升降機同囡囡玩，所以熟絡返，但BB同媽咪仲有啲陌生。」

另外，羅子溢與鄧佩儀、洪永城在劇中大玩三角戀，而三人劇情正推向高潮，鄧佩儀的角色更會離世，鄧佩儀說：「呢個故事教訓大家，千祈唔好愛錯！」她坦言現實中曾與圈外人拍拖，後來親眼目睹男友出軌，令她大受打擊：「用咗足足一年時間去療傷！」