居住問題︳港男拜年遭親戚當眾奚落 炫耀嫁女獲男家出首期買樓 「呢個年代無樓無女肯跟你㗎」

做人切忌「狗眼看人低」。一名港男日前在網上吐苦水，指表姐準備結婚，與未婚夫獲男家出首期購買婚後住所；未料日前拜年時，阿姨竟在炫耀女兒嫁得好的同時，亦不忘當眾奚落家住公屋的事主，「呢個年代無樓無女肯跟你」。對此，事主大為尷尬：「點解世界咁唔公平，男人住公屋就要畀人踩？」

該名港男昨日（18日）在網上討論區「連登」以「近排表姐結婚 慨嘆點解女人住公屋都可以做人生贏家」為題發帖，指家住公屋、從未拍過拖的表姐，3年前透過交友應用程式（App）認識了一名家境不俗的男子，現時已到談婚論嫁階段，「可以喺交友App度覓得如意郎君，我都為佢感到高興。」

惟近日農曆新年期間，當表姐全家上事主家拜年食飯時，阿姨竟然開始「曬命」，指女兒未婚夫的父母將會提供首期，幫兒子購買婚後居所。事主又簡單交代表姐及未來表姐夫的背景、條件：

（↓點擊圖片放大↓）

（↓點擊圖片放大↓）

事主指阿姨繼續「曬命」，「又問我家母收唔收禮金好」，甚至當眾奚落事主，

「成餐飯我當然無面目出聲，最後無晒話題兩個女人終於燒埋我度……阿姨：X仔，你要加油喇，呢個年代無樓無女肯跟你㗎！」

「我最唔開心係自己人都要咁樣公開處刑我，成餐飯好多人喺度。」事主當時大感尷尬，「黑口黑面咁哦咗聲就算」。對此，他感到極度悲憤，

「佢（表姐）嫁入中產飛上枝頭，我絕對為佢感到開心，但係點解佢哋要補我刀？……點解世界咁唔公平，男人住公屋就要畀人踩？」

同時，他又提供自己的背景及條件以作比較，並詢問一眾網民：「換作你係我嘅處境又可以點打算？」

（↓點擊圖片放大↓）

此事引來網民熱議，不少人留言安慰他切勿氣餒，又指供樓其實殊不簡單，住公屋亦不見得是件壞事，「屋企肯出首期幾多，一個搵2萬頭一個1x k, 本身黐屋企都啱啱好夠生活，當供萬幾，兩個人住要自己處理日常洗費啦，減埋啲生活雜費，無咩錢使喺娛樂」、「2萬頭加萬2，都過唔到壓測，到買到樓先聽佢地曬啦」、「有幾贏啊？仲要供到死死吓又要驚畀人炒，公屋仔年年去幾次旅行贏晒喎」。

同時，亦有網民著事主不要介懷，認為他與其怨天尤人不如力爭上游，「有時啲親戚開心得滯係亂講嘢」、「憑自己努力慢慢上去」、「男人畀心機做嘢，帶眼識人，唔好睇樣睇身材咁膚淺，一定識到好女仔同你一齊過人世！」

住劏房苦候13年獲派163呎公屋，50歲單身男12萬裝修全屋舒適實用，詳情即睇：【下一頁】

每朝索取《晴報》：精明生活．健康家庭．開心娛樂 

責任編輯：李凱晴