《陀槍師姐2021》︳麥美恩充濶太事敗遭老公拋棄 眼淚鼻涕All-in演出差啲出事？

麥美恩 (Mayanne) 近年拍劇又當主持人作雙線發展，尤其演技上令人有刮目相看，繼去年《使徒行者3》演臥底警察被活摘器官演技大爆發後，今次在《陀槍師姐2021》再次有爆淚演出！

劇情講到Mayanne飾演的Elaine，在兩位好姊妹宣萱、張嘉兒面前扮闊太，租住豪宅充大頭鬼，最終大話被認穿，老公有感被看小，一怒之下提出離婚！Elaine感到心痛難過，反向兩位好姊妹哭訴。而這場訴苦戲Mayanne演得七情上面，喊到面容扭曲，傷心說：「個個港女都拜金，除咗我有邊個對佢咁好，我咁樣犧牲都係為咗佢，佢竟然話離婚……」鏡頭前她太投入，哭到眼淚、鼻涕一齊流，嗰行鼻涕仲差啲流到Mayanne口中！

{{hket:inline-image name="21.jpg"}}{{/hket:inline-image}}

宣萱、麥美恩和張嘉兒戲內戲外都是好姊妹。(圖片：麥美恩IG)

{{hket:inline-image name="20.jpg"}}{{/hket:inline-image}}

麥美恩在《陀槍師姐2021》充闊太住豪宅。(圖片：麥美恩IG)

使徒行者3 │ 麥美恩做司儀得獎後懷疑人生 「跟住下一步點行？」 【下一頁】

Mayanne早前從加拿大探親返港後，正身處酒店隔離，她接受《晴報》訪問時表示，昨晚都有看自己的演出，「拍呢場戲至今剛剛一年，但一睇番啲回憶就返晒嚟，自己又眼淺，一路睇一路都有眼淚，睇到自己喊到連儀容都冇留意……」她說大夥兒都很好，給予空間、時間讓她投入人物情緒，沒有給予壓力 ; 而平時與她在片場有傾有講的宣萱和嘉兒，得知這場戲Mayanne是關鍵，所以都不敢和她玩得太癲。

Mayanne自嘲演繹上仍欠技巧，仍有很大進步空間。導演事前已和她說這場喊戲要拍2次，提醒她拍wide shot時要「留力」，之後要立即拍近鏡 ; 怎料一roll機她的情緒已失控，「喊到完全all in！之後再拍我大頭先時，眼淚係有啲乾咗嘅，連唔到戲……導演有教我，叫我行個圈，再諗番一啲工作上辛苦嘅事，培養番啲情緒出嚟，真係work，咁我即刻埋位再拍，好彩都喊得番條鼻涕出嚟！接得番wide shot！」因為這次經驗，Mayanne稱演戲不能「打天才波」，她有上網修讀「MasterClass」外國演技課程，為未來的工作做好準備。

（↓點擊放大 睇圖片↓）

大家都奇怪為何Mayanne不留在溫哥華與家人過農曆新年，之後才返港？Mayanna笑言想在香港過生日，「因為隔離要21日，我計過剛剛可以喺生日（2月28日) 前出關！(諗住點慶祝？) 呢個就未諗呀！(緋聞男友許文軒呢？) 唔好啦，佢大個仔，自己獨立下啦！」

（↓點擊放大 睇圖片↓）

撰文：衛紫敏

《愛回家》熊若水Man爆公主抱起男友龔燁 「好彩平時抱蟹籽鍛煉得多」 【下一頁】