蘇施黃慶66歲牛一意外出賣老友 關之琳素顏冇濾鏡Close-up現真身

2月16日係蘇施黃嘅66歲生日，日前佢就同密友金燕玲、大美人關之琳以及一位朋友簡單慶祝。雖然阿蘇先至係主角，不過大家都將focus放咗喺關之琳身上。

{{hket:inline-image name="149694589_3649156878538732_3761659031370769349_o.jpg"}}{{/hket:inline-image}}

喺屋企慶祝嘅蘇施黃請到一班好家傭姐姐，親手為佢整咗個生日蛋糕，佢喺社交平台留言大曬「家庭溫暖」：「工人好sweet，自己做了個生日蛋糕畀我，四個人食生日小便飯。」蘇施黃一手拎蛋糕，一手揸機自拍，除咗幾位家傭姐姐外，大美人高清、素顏、冇濾鏡Close-up入鏡都成為咗焦點。關之琳平日喺自己社交平台嘅相都係非常優雅、雍容華貴，不過呢日佢只係着上衛衣好casual，冇化妝嘅之之面色有啲黃同埋憔悴，不過肌膚就好飽滿，見唔到有皺紋，一啲都唔似就快「登六」。

（↓點擊放大睇圖片↓）

但呢張相由於同平日分別太大，唔少網民都大表驚訝，有網民表示唔認得係佢本人：「佢本身係好靚女，但而家佢P圖前後又真係幾大差別」、「唔P真係老咗好多，皮膚凹陷」；亦都有人力撐佢仍然都係好靚：「係非常正常，如果佢平時冇P圖，就唔會有咁大差異啦……P圖係令人後生d，咁即係佢對而家嘅皮膚有d唔滿意囉……不過比起同佢差唔多年紀嘅女士，佢都仲係靚女一名」。

出名係圈中富婆嘅58歲關之琳，自2015年跟台灣富商陳泰銘離婚後一直單身，近年都養尊處優只接少量工作，同愛犬留喺1.5億半山三千呎豪宅過日晨，閒時喺IG分享生活點滴，不過平日之之嘅相都係「重filter」，唔知佢聽到網民嘅意見，會唔會多啲post自己嘅真面目呢？