由郭晉安、譚俊彥、譚凱琪和王君馨等主演的TVB劇集《失憶24小時》已播出一星期，劇中譚俊彥飾演室內設計師蒙一言，而王君馨則演其老婆游菲兒（Freeya）。而在第一集出街後，不少網民都指王君馨個角色好嘈又巴渣，相當難頂，更稍嫌作狀！
其實過往不少TVB劇集中都曾有不少演員演過「港女」，大家又記得邊幾個角色？
《My盛Lady》
徐子珊飾演的港女「盛花蕾」，自小已養成不信任男人，只相信金錢的態度。盛花蕾更自一套「港女精神」，教飾演Madam的王君馨點樣吸引男人。她指對方有四點需要留意：例遲一個鐘、高炒自拍、無主見有堅持、扮無知乜都笑。更要活用三句說話：真係㗎？點解嘅？你好叻呀！」
（↓點擊圖片放大↓）
《過街英雄》
劇中森美飾演利字當頭嘅「老鼠俠」唐亮星，而佢除咗有拜金市儈的父母外，細妹唐美芬（江嘉敏飾）都係拜金女一名。佢不務正業，目標係釣到金龜婿，令佢可以瘋狂買名牌手袋。
《愛回家之開心速遞》
鄺潔楹於劇中飾演Venus，一開始Venus以乖乖女形象出場，後來慢慢露出港女、拜金真面目，同池子孝（阮政鋒飾演）拍拖後不時威迫利誘他送名牌袋給自己，仲背著子孝同有錢仔曖昧。大多數的粉絲認為鄺潔楹的角色是拜金女，由始至終都視阿孝為「觀音兵」，因此劇中兩人分手時，不少觀眾都拍案叫絕！
（↓點擊圖片放大睇仲有邊啲港女角色↓）
《木棘証人》
劇中張秀文飾演貪慕虛榮的港女Yuki，對羅子溢死纏難打，又成日嗌佢做「BB」。唔少網友指角色十分煩擾，其實連佢自己也曾在訪問時表示該人物乞人憎，又澄清角色與本人性格絕對不同，同時直言死纏難打男方的場面好難拍，「因為現實中唔係咁嘅人。」
《多功能老婆》
朱晨麗劇中飾演「馬思蕾」一角，是洪永城老婆。角色性格傻傻更更，是典型的「港女人妻」，特別是下嫁富商後成為闊太，生活無憂，恃寵生驕。
《一屋老友記》
「長腳蟹」呂慧儀演張頴康妻子，也是港女一名。有一幕她嫌屋子細，更指：「邊有地方擺我對腳啊? 摺埋啊?」
失憶24小時｜王君馨演刁蠻女與譚俊彥狂嘈交 網民嫌聲線難頂兼作狀趕客 【下一頁】