《Think Big天地》︳陳山聰十多歲已改定囝囝名字 事業家庭美滿：係靠自己捱番嚟...

44歲的陳山聰去年榮升人父，兒子霆軒轉眼已經半歲大，山聰亦變成了住家男，經常黐實囝囝。這位「暖男爸爸」日前現身兒童節目《Think Big天地》接受Patrick Sir和小主持羡欣訪問，分享自己童年到做了父親之後的生活逸事。

山聰表示自小在一個Happy Family長大，父母都很開通，他在家中排行最小，與哥哥姐姐年紀相距甚大。自己年紀還小時，哥哥姐姐已經出來社會工作，所以，自小在哥哥姐姐身上觀察和接觸到的事，會比同年齡小孩子多，眼界亦因而會廣闊一點，比較早熟。他是百厭星一名，小時候已喜歡舞獅、打功夫，周圍跳跳紮無時停，父親見他愛舞獅又喜歡唱歌，早已知道他很有表演慾，當他說要入娛樂圈工作時，父母不但沒有反對，而且十分支持他入行。

{{hket:inline-image name="66.jpg"}}{{/hket:inline-image}}

陳山聰以爸爸身份上兒童節目分享做人父的心得。（圖片 ：電視截圖)

{{hket:inline-image name="68.jpg"}}{{/hket:inline-image}}

陳山聰和囝囝霆軒好Sweet呀。（圖片 ：陳山聰IG)

講到囝囝霆軒，山聰回想在產房外自拍短片送給太太，當時等待做父親的他忍不住喊：「我第一眼見囝囝就喊，反而我太太係一個好堅強嘅人，見到囝囝出世都冇喊過我反而喺到喊，我仲要拎住兩部手機，一部影相，一部拍片。見到囝囝第一眼好開心，覺得身邊所有嘢都唔屬於你，但佢（囝囝）就係真真正正屬於你嘅。」山聰更自認是慈父，一定寵壞囝囝。

山聰說最想傳達給囝囝做人要有堅持的信念：「因為呢樣嘢天生未必會有，好多嘢係需要堅持，係要靠自己，所以我好希望佢能夠識得自己去面對自己，因為我經過好多成功與失敗、好多重要嘅經歷。當然有人幫你梗係好，但冇人幫就只能靠自己。」山聰表示：「就算有人拉你起身，但你唔起身都冇用，都會跌番落嚟，所以一份堅持係好緊要。小時候屋企唔係有錢，只係小康之家，阿爸阿哥都係苦盡甘來捱出嚟，我自己都學識呢一點，我而家擁有嘅嘢都係靠我自己捱番嚟。」山聰覺得小朋友更需要明白，「捱」即是付出意思：「但付出唔一定有正比收穫，好多人付出好多，但唔等於攞到同等嘅嘢，但你唔付出，收穫一定係零，所以我要教囝囝要學識付出。」

《十八年後的終極告白2.0》｜龔嘉欣加盟同譚俊彥陳山聰鬥戲 黃智雯楊秀惠OUT仲有邊個有份？【下一頁】

（↓點擊圖片放大↓）

講到兒子名字的由來，山聰竟說：「喺十幾歲時，我已經好想有自己嘅小朋友，亦已經諗定咗個仔嘅名要有個「軒」字，到囝囝出世後，我就請我一位長輩幫手改名，佢寫咗一堆名畀我，果然真係見到有個名有「軒」字，所以我同太太諗都唔使諗就用「霆軒」呢個名，我覺得好多嘢冥冥中係有緣分。」

撰文：衛紫敏

《陀槍師姐2021》︳麥美恩充濶太事敗遭老公拋棄 眼淚鼻涕All-in演出差啲出事？ 【下一頁】

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress