名牌卡奴｜港男初入職場狂買名牌裝身 欠$15萬卡數無力還款 「唔係會畀同事睇唔起」

做人最緊要是量力而為！一名網民日前在網上吐苦水，指弟弟初入職場，卻為怕被同事、客戶看不起而瘋狂「碌卡」買名牌裝身，因而欠下14、15萬卡數，但每月只是償還最低還款額；惟對方卻認為無問題，表示「慢慢就還得晒」。對此，事主擔心弟弟無力償還，最終落得破產的田地。

事主上周四（18日）在「香港討論區」以「我細佬成日碌卡買名牌，個個月都還唔起錢，點幫佢好？」為題發帖，指弟弟今年剛剛投身社會，有兩三張信用卡，

「成日話返工要牌頭，唔係會畀同事睇唔起，一有工返糧都未出就買咗好多名牌衫褲袋返工。」

事主查看弟弟的網購記錄後，發現對方花了5、6萬元買衫，「原本以為佢都會還得起就冇理佢」。但未幾，事主發現弟弟再買了一隻價格昂貴的手錶，

「佢又話出去見客唔可以畀人睇唔起，我開始有少少驚，問佢還唔還得起，佢又話冇問題。」

雖然弟弟表示無問題，但事主日前在家中看到一封拆開了的銀行信，好奇下細閱，赫然發現弟弟竟然欠下14、15萬卡數，

「期期都只係還min pay（最低還款額），利疊利都唔少錢……佢又話冇問題，唔使理，慢慢就還得晒……」

對此，事主極度擔心弟弟的態度、行為繼續依舊的話會導致破產收場，「我可以幫到5、6萬，但係見佢咁碌法，我好驚佢一陣卡數還卡數，真係要破產，好大影響。」雖然曾向弟弟解釋卡數利息高，但對方卻仍然不當一回事，

「佢成日都話還到，又話唔買嘢搵到錢要還好簡單，但係十幾萬唔係小數目……我怕佢低估咗成件事。」

此事引來網民熱議，雖然有人認為事主與家人應當繼續力勸，甚至幫弟弟還錢，但更多人認為事主及家人千萬不要將欠款「攬上身」：

（↓點擊圖片放大↓）  

港男生日陪老婆行名店，被迫贊助買$3.3萬手袋，3大原因自覺淒涼，詳情即睇：【下一頁】

每朝索取《晴報》：精明生活．健康家庭．開心娛樂 

責任編輯：李凱晴

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress