師父有請︱謝東閔與女友「出事」即刻搵邊個？ 撐朱智賢抵幫:呢半年我哋好開心

《Master's Talk 師父有請》由堪輿學家麥玲玲師傅與Bob (林盛斌) 主持，邀請演藝界好友以玄學角度傾盡最爆最貼身話題。節目第三集找來「Crazy Runner」嘅陳山聰、袁偉豪、姚子羚和謝東閔擔任嘉賓，這一集以「人運和地運」為主題。

{{hket:inline-image name="_DSC5241.JPG"}}{{/hket:inline-image}}

他們形容Crazy Runner成員之間關係非常之好，謝東閔坦言女友朱智賢「出事」時，自己第一時間找山聰和袁偉豪傾偈，他說：「佢哋叫我冷靜，因為我好唔開心！慢慢就用時間去沖淡件事……至於出唔出嚟開記者會，我諗咗一陣，後來覺得呢個係我值得幫嘅人……之後再一齊努力啦！過去呢半年我哋好開心，一齊行山、做運動，希望有更多正能量，感情經歷過一啲事之後會更加穩固！」

（↓點擊圖片放大↓）  

謝東閔與朱智賢2017年開始傳緋聞，然而二人從來沒有承認交往，但經常一起出席活動「掘金」，關係屬半公開。去年4月朱智賢遭發現與劇集《食腦喪B》拍擋、有婦之夫黎振燁一同駕車到屯門半山僻靜位置吃蛋糕，關係曖昧。黎振燁與朱智賢被發現後方寸大亂，記者追問下亦難以自圓其說，女方當時仍表示和謝東閔一向都是好朋友關係。

{{hket:inline-image name="ec3db695d4c0cc2b87ff93b5c13aaaeasaasftp20200221.jpg"}}{{/hket:inline-image}}

謝東閔即日陪同朱智賢開記者會，女方道歉並承認出軌，謝東閔則力撐女友，將「過錯」歸咎自己，他說︰「現階段我會陪你（朱智賢）走過這一關。可能佢一時有啲迷失，希望大家可以畀機會佢反思。我自己可能都有啲責任，可能我成日掛住工作，忽略咗佢。」雖然謝東閔大量又包容，有網民同情佢係事件嘅「受害者」但竟然要道歉，替佢感到不值。今天謝東閔、朱智賢用時間證明畀大家睇，二人做對「山系情侶」，重新建立健康關係，相信感情一定更勝從前！

撰文：黃蘊姿