【聲明】港生活網站並無進行電話推廣活動

親揭外父勸買豪宅 保靚樣搵錢 袁偉豪爆Seed︰層樓我唔使供咩?

發佈時間: 2021/02/23

39歲的袁偉豪(Ben)早前為節目《Master's Talk師父有請》任嘉賓,去年Ben與家境富裕的張寶兒在婚前擲近7,000萬元聯名購入豪宅,Ben因而被網民嘲諷「嫁」入豪門。他在節目中透露寶兒父母欣賞他捱出事業,更霸氣稱︰「層樓我唔使供咩?我都要搵錢,呢間算dream house,但唔係終極。」

袁偉豪、陳山聰及謝東閔等Crazy Runner成員,早前作客《Master's Talk師父有請》第三集,接受林盛斌及麥玲玲訪問。Ben在節目中自言經常搬屋,又表示與太太張寶兒目前居住的清水灣愛巢不算終極夢想屋。他說︰「我跑步經過大坳門,沿路山邊有間爛屋好似《鐵甲奇俠》間屋。間屋出面一邊係懸崖,落地玻璃望住清水灣,我心諗好想有機會可以住呢度,擁有自己設計嘅車房同埋band房。」

反駁被轟膠面醜男

節目亦談及另一半是富家子女的話題,由於張寶兒經營內衣生意的父親身家豐厚,Ben無論婚前婚後也被網民寸爆是「三億駙馬」,曾開火反擊花生友的他,承認與張寶兒拍拖後壓力不少︰「其實我唔睇嗰啲報道真係無嘢,睇咗反而唔開心,入到外父屋企有乜好驚?我唔會驚,反而睇完報道後會唔舒服,唔舒服嘅係點解要咁樣講我?有時唔係我想去睇,係唔知邊個傳來傳去彈出嚟我手機,多多少少影響到自己情緒。」

自言性格硬頸的Ben更乘機爆seed︰「我有自己睇法,咁層樓我唔使供咩?我都要搵錢,要keep好個樣出嚟,點知又被人話面膠、醜男?」Ben強調閒言閒語沒有影響他與太太的感情︰「佢(寶兒)父母欣賞我呢個人一步一步成長,捱出自己事業,佢哋又覺得只得我一個治到寶兒。」他更首度披露買豪宅一事由外父主導︰「佢建議我買,花幾日計計數,加上自己硬頸又大膽,決定試試。」

過來人陳山聰勸放下

此外,陳山聰曾與賭王千金何超雲拍拖兩年,戀情令他與Ben一樣飽受網友嘲諷,山聰說︰「呢件事令到我成長,當時封面多到好誇張,父母好唔開心。點去瓦解負面新聞?就係面對佢,你自己先清楚是非黑白,所以由得人講。」山聰感恩現在有好老婆及囝囝,又經常勸Ben放下固執,不要反駁傳聞。而謝東閔亦重提女友朱智賢被爆偷食黎振燁,事後謝東閔陪女友出席道歉記招,他透露當時有找Ben及山聰傾心事。

撰文︰Steven

美術︰梁政敏

親揭外父勸買豪宅 保靚樣搵錢 袁偉豪爆Seed︰層樓我唔使供咩?

袁偉豪(右二)自言在手機看到自己的負面新聞,曾令他耿耿於懷。

親揭外父勸買豪宅 保靚樣搵錢 袁偉豪爆Seed︰層樓我唔使供咩?

陳山聰(左)提到兒子Jaco時忍不住落淚。

親揭外父勸買豪宅 保靚樣搵錢 袁偉豪爆Seed︰層樓我唔使供咩?

袁偉豪與張寶兒去年尾共諧連理,他直認婚禮「使咗好多錢」。(資料圖片)

親揭外父勸買豪宅 保靚樣搵錢 袁偉豪爆Seed︰層樓我唔使供咩?

袁偉豪昨午騷爆肌照,足見他在農曆新年假期後身形毫無走樣。(IG截圖)

親揭外父勸買豪宅 保靚樣搵錢 袁偉豪爆Seed︰層樓我唔使供咩?

袁偉豪(啡衫)剛拍完劇集《把關者們》,與陳家樂、丁子朗等合作。(資料圖片)