張敬軒「遮遮」煲粥驚變煮爆煲

張敬軒早前經常在社交網分享家中外傭「遮遮」的「驚喜早餐」，軒仔不但獲封為「早餐界KOL」，他亦曾邀請這位人氣「遮遮」欣賞其紅館個唱，掀起一陣小騷動。事隔多月，軒仔的「遮遮」又有「驚喜」，昨日軒仔在社交網留言︰「我真係諗都無諗過，最先頂唔住嘅竟然唔係我，而係屋企個電飯煲…煲粥煲到個煲都爆埋，我諗佢（遮遮）係港九新界第一人。咁呢佢就send個msg嚟喇，通知我個煲『explode』（爆炸），我表面平靜，個心入面嗰樣係黑人問號。」

軒仔又抵死向電飯煲「致哀」︰「Dearest煲，你辛苦了，下次希望你可以做個燜燒煲、真空煲、砂煲…總之乜煲都好喇！最緊要記住唔好返嚟我哋屋企。」有網民叫軒仔買定家居保險，以策安全。