7-11獨家發售兩款新肉絲素粉麵 與Green Monday同步售素點心

黛安身邊愈來愈多朋友食素，除咗可以健康啲，仲可以幫地球減碳排放。公關姊妹同黛安報料，7-Eleven由明日（24日）起會聯同Green Monday，同步喺超過700間分店發售OmniEat新膳食系列產品，當中包括即食便當同點心等，仲會喺150間分店引入多款零食同飲品㖭。例如7-Eleven同Green Monday同步發售嘅「新豬肉鮮蔬水晶餃」，精選咗6種鮮蔬如蘑菇、粟米筍、甘筍等，加上OmniPork新豬肉製成，粒粒飽滿又彈牙，最重要係呢款傳統中式點心都不含膽固醇同反式脂肪，夠晒健康。

公關姊妹就推薦7-Eleven獨家發售、充滿港式茶餐廳風味嘅「黑椒新肉絲意粉」同「芝麻燒汁新肉絲米綫」。兩款主菜都係採用OmniPork Strip新肉絲，口感可媲美真肉絲但更健康㗎。黛安聽到心郁郁，打算買幾款番屋企試下先。