鍾培生挑機林作丨謝賢怒摑曾江打飛胡楓眼鏡最爆 網民最想睇十對娛圈冤家上擂台

現年30歲富三代鍾培生向31歲林作下戰書，挑機來場「林鍾擂台戰」，不過2人口水戰持續幾日還未有落實行動，昨日林作拍片撕毀鍾培生邀請合約，嫌棄對方無誠意，擂台戰一直只聞樓梯響，不過就成功引起大家關注。娛圈中有唔少藝人都係不和到出晒面，日前就有網民發帖討論，指最想以下呢十對藝人上擂台「分勝負」咁話。

{{hket:inline-image name="54517579_10156324247882549_1541459746739978240_n_600.jpg"}}{{/hket:inline-image}}

謝賢 VS 曾江

四哥謝賢向來率性，2015年四哥同曾江、修哥以及Joe Junior出席《四個小生去旅行》記者會，期間怒摑曾江、修哥在旁勸阻時眼鏡亦被打飛！場面一度失控。四哥事後曾聲稱同曾江其實好friend，當時只係做戲，但都覺得無所謂，打人一巴都好威水，完場仲請曾江吃雪糕添！四哥話為做宣傳出盡法寶，不過打嘅時候過癮，打完就被大家罵爆，認真陰功。

吳雨霏 VS 楊愛瑾

組合Cookies成員吳雨霏（Kary）同楊愛瑾（Miki）多年來情同姊妹，Kary於2016年經歷小產之痛，有指當時只有親朋好友知情，豈料此事卻被大肆報道。Kary認為有人洩密，決意跟Miki斷交，怒刪合照兼不再同場聚會。

吳若希 VS 菊梓喬

吳若希（Jinny）與師妹菊梓喬（Hana）一直盛傳為爭奪公司「星夢一姐」寶座而不和。Hana當年於《勁歌金曲頒獎禮2018》奪女歌星獎時，吳若希浮誇大笑13秒祝賀師妹，之後更喺訪問中句句「有骨落地」，話「造畀佢（Hana）都應該啦」。

許志安 VS 馬國明

許志安（安仔）遭爆背太太鄭秀文（Sammi）偷食黃心穎，一直被封為「TVB筍盤」的馬國明公然被「戴帽」，事後亦同心穎分開。安仔同馬國明可謂「亦敵亦友」，二人除是「波友」，均是明星足球隊成員外，兩人早在2001年結緣，馬國明曾為對方出演《昨遲人》MV，非常有緣。

馮盈盈 VS 江嘉敏

馮盈盈被爆出孖江嘉敏齊齊登上賭王何鴻燊四房公子何猷亨豪華遊艇開P釣金龜。事後馮盈盈否認與何猷亨發展戀情，指係江嘉敏穿針引線，不過對方拒食死貓反指係馮盈盈邀請她上船開P，更爆馮盈盈之前已同何猷亨食過飯。之後，馮盈盈喺IG一直潛水，反而江嘉敏就繼續喺IG狙撃，留言斥有人講大話，姊妹情決裂。

(↓點擊放大圖片↓）

陳冠希 VS 謝霆鋒

2006年張栢芝與謝霆鋒於菲律賓結婚，育有兩子，後來栢芝捲入與陳冠希不雅照風波。有傳栢芝多年後與陳冠希和解，更於飛機上巧遇合影，成為栢芝與謝霆鋒嘅離婚導火線。

陳冠希 VS 余文樂

陳冠希與余文樂同期出道（約2000年），曾合作拍《無間道》，當時有指兩人同時追求鍾欣潼（阿嬌）而針鋒相對，更喺後台更發生「撞膊」事件，即場爆粗互鬧，更有傳樂仔一度想同Edison打交。多年來二人由拍戲、唱歌鬥到去潮流界，到今時今日出席公開活動都仲係「有你冇我」。

林盛斌 VS 安德尊

林盛斌（Bob）同大王安德尊喺節目《年代大激鬥》甚有火藥味，有傳因為大王擔任張美妮婚宴司儀，台下嘅Bob飲醉後衝上台搶咪，當眾叫大王「收皮」，「你好大聲好嘈呀！知唔知呢度係婚宴，唔係春茗呀！」所以大王就喺《年代大激鬥》針對Bob，見Bob食螺絲，就故意高八度鬧佢累街坊，最後兩個仲郁埋手打交，畀高層照肺！

李錦聯 VS 安德尊

李錦聯同安德尊自2009年喺《都市閒情》主持「今晚食乜餸」開始， 幾乎集集開火。有傳李錦聯過份整理儀容惹安德尊不滿並出言譏諷，安德尊又當眾指李錦聯割雙眼皮，令李錦聯十分尷尬。雙方2011年更傳發生肢體衝突，遭無綫電視高層照肺，有指之後就唔再安排佢哋喺烹飪環節中合作。不過二人之後再次合作，疑似「互串」、「單打」，亦因爲兩人嘅火花，無綫2016年邀請兩人主持飲食節目《區區開伙》。

王浩信 VS 陳自瑤

《萬千星輝頒獎典禮2020》王浩信上台致謝時提到太太陳自瑤（Yoyo），Yoyo竟然「黑面」，令二人婚變之說更似層層。有指王浩信多次同身邊拍檔傳出緋聞令女方死心，傳無線高層指令唔准佢哋公開目前「真實關係」，所以至今二人仍封口，男方就喺日出康城同一大廈另置單位，與母女上下層分居。

(↓點擊放大圖片↓）

圖片來源：東星娛樂