倪晨曦讚囝囝自動戒夜奶

倪晨曦（Elva）及陳柏宇（Jason）前晚出席銀行活動，去年11月誕下兒子Virgil的Elva，穿上貼身裙現身，明顯已回復纖瘦身材。她大讚B仔夠生性：「BB過咗100日大，竟然自動戒咗夜奶，一覺瞓天光，我都輕鬆好多。」對於網民大讚BB靚仔可愛，Elva開心說：「BB個樣日日變，依家覺得佢似我多啲。（再追第二胎？）我同老公有共識再生B，不過唞兩年先，因為生完BB真係好攰，生活上要重新適應，減磅都唔係咁容易。」

同場的陳柏宇為Sony Music旗下歌手，提到無綫與三大唱片公司關係破冰，Jason坦言不覺得變化很大：「我有上《勁歌金曲》，只係無去頒獎禮，反而我戥師弟妹開心，因為佢哋未去過無綫頒獎禮。（多一個宣傳平台？）如果調轉講，其實星夢歌手仲慘，佢哋呢幾年都無去其他頒獎禮。」

攝影：林良明