《天天開運王》︳鄭俊弘何雁詩千呎愛巢曝光 巨型梳化惹血光之災點化解？

鄭俊弘 (Fred) 和何雁詩去年11月結婚，婚前兩人已在大埔築愛巢同居，日前無綫節目《天天開運王》請來玄學家李丞責前往兩人家居睇風水，令其千呎大宅在鏡頭前首度曝光。

{{hket:inline-image name="04.jpg"}}{{/hket:inline-image}}

鄭俊弘和何雁詩的愛巢在《天天開運旺》節目中曝光。（圖片：電視截圖）

{{hket:inline-image name="13.jpg"}}{{/hket:inline-image}}

兩人居於大埔，未知地運和家宅可有利夫妻感情？（圖片：電視截圖）

三房兩廳的面積對於小夫妻Fred、阿詩，二人世界的空間也相當「見使」。室內佈置走實而不華路線，飯廳放了一張小型的二人餐枱，在近大門前的牆身，則以多幅甜蜜婚照、生活照自製特色牆放閃 ; 客廳擺放了一張超大型梳化，窗前有一部跑步機，在疫情期間可說大派用場。三房的其中一間房改造成私家band房，牆身掛上Fred的珍藏結他，還有鋼琴及樂器 ; 而大家有留意阿詩的IG的話，或會覺得熟口熟面，因兩人經常在這間band房開live唱歌自娛。

節目中談到家居風水，李丞責師傅對兩人愛巢評價不錯，指客廳坐東北方位，大門向西南，屬八運，惟獨廳中梳化「出事」，他說：「因為呢張梳化係全屋傢俬中最大，即係佢聚氣最多，但放正喺今年牛年東南位，即五黃位，代表血光之災、容易吵鬧、生病、惹是非......」令在旁的Fred驚嚇說：「嘩！即係最衰嗰種喎！」在堪輿角度，當然有方法，李丞責教兩人可在梳化後放《心經》、佛經或佛像，亦可以掛一幅開心笑臉的畫作化解。

【玩新郎遊戲都喊？】鄭俊弘揸波子傳統禮服接新娘 何雁詩索爆姊妹團不及金器搶鏡 【下一頁】

（ ↓ 點擊圖片放大 ↓ ）

至於band房則位於今年東北桃花位，李丞責對Fred說：「你哋今年就算唔添丁，個人人緣方面都唔錯！點樣再催旺人緣桃花位？可以插花、放粉紅晶石、瑪瑙之類……而文昌位喺東位，啱啱就喺你哋放枱燈嘅位置，而上面你放咗兩個尖形獎項，似兩座塔，放得好啱！因為文昌數通常係四，所以你放四個獎會仲好啲添！」李師傅形容Fred的運勢屬「優悠得益運」，提議他放一部抽濕機於房內，「等濕氣冇咁重，你個人會再勤力啲！」

走進廚房位置，面積相當寬敞，李師傅說廚房代表健康問題，Fred、阿詩都愛玩煮飯仔，所以師傅說：「因為灶頭位喺西南，係今年是非位，整體嚟講會多吵鬧，灰色嘅嘢或者貼一啲開心笑臉嘅相，會令人嘅情緒穩定啲，咁就會少啲拗撬。」

（ ↓ 點擊圖片放大 ↓ ）

撰文：衛紫敏

失憶24小時｜李天縱高難度凌空一字馬曬身手 落選港姐入行10年原來大有來頭 【下一頁】