《周遊》系列大受歡迎│周奕瑋處男拍劇將客串《愛回家》 「千祈唔好對我有任何期望」

無綫娛樂新聞台主持周奕瑋（Jarvis）入行12年多，精通日文的他，多年來主力報道本地及日本娛樂圈的新聞，而2018年首次挑戰旅遊節目《周遊東京》，播出時反應相當之好，大受電視觀眾歡迎，隨後更推出第二輯及《周遊關西》，成為日本通的旅遊達人。近日Jarvis最新挑戰，是第一次拍劇！處男作正是大熱處境劇《愛回家之開心速遞》，他透露將會客串飾演一名日本電視台的主持人。

【旅遊達人】周奕瑋開直播親解雙撇子絕技 與梁彥宗友情源自增高鞋墊？【下一頁】

{{hket:inline-image name="jar.jpg"}}{{/hket:inline-image}}

Jarvis跟老友梁彥宗合作開設YouTube頻道《Jar緊宗指》，於周日的直播中，率先爆出拍攝感受，Jarvis說：「今個星期有個好好嘅體驗，就係有機會拍《愛回家之開心速遞》！我唔知我係識廣東話嘅日本人，定係識日文嘅香港人，呢個角色喺嗰集幾重要，大龍生接受日本電視台遠道而來嘅採訪，我係主持同節目統籌，幾好玩。呢個星期都keep住去拍，終於拍晒喇，估計大約3月尾會出街。」不少網友紛紛說非常期待，但Jarvis笑言「自己知自己事」，「我未拍過戲劇，真正第一次踏入劇集錄影廠。到時播出唔需要批判我，唔需要讚或者彈，千祈唔好咁熱切期待！」

Jarvis拍攝期間也有接受娛樂新聞台訪問，只見他當時正在錄影廠門外默默溫習劇本，受訪時他稱當日戲份只有幾句對白，但已非常緊張！「我本身都係《愛回家》fans，狀態嚟講……好緊張！呢個真係牛年大挑戰、大禮物同大驚喜，今次同大龍生（羅樂林飾)、KC（歐瑞偉飾)、Terry（李偉健飾）、大小姐（林淑敏飾）有對手戲，佢哋好好，知我第一次拍劇，畀咗好多意見同方向我，未正式埋位合作已經紓緩到我嘅緊張情緒。」劇組只要求Jarvis「好似平日做主持工作咁就可以」，毋須太擔心，他仍憂心忡忡，笑言：「好怕拖垮齣劇，成為史上最差演技嘅客串嘉賓，因為我而收到投訴就唔係幾好啦！」

(點擊圖片放大)

【周遊東京2】港台小鮮肉旅遊主持逐個捉 周奕瑋輸肌肉贏貼地【下一頁】

Jarvis同梁彥宗老友鬼鬼，同樣是旅遊達人，在疫情期間逢星期日開live跟大家交流，每次不同的主題，最近兩個大男孩一齊入廚炮製「瓜子雞翼」和「豆沙煎堆」，沒想到成果不錯，令大家眼前一亮。兩人也會於節目內加插不同環節，Jarvis會教大家日文、韓文和泰文，而梁彥宗在「宗爆你」發洩令人嬲豬的事。兩人齊齊在家種風信子迎牛年，沒想到Jarvis的風信子成長停滯不前，反而梁彥宗的風信子打孖開花，茁壯成長，拿出來對比時畫面非常有趣。

梁彥宗同樣有處男下海拍攝劇集《大步走》，暫定3月8日出街，他在直播時笑言：「真係播先算啦！畀人抽來抽去。」其實他在去年年底約滿無綫，相信到時未必能為劇集宣傳。

(點擊圖片放大)

責任編輯：楊安莉