羅天宇被指微調「馬子仁」變刀削面 「女神收割機」大餅面時期桃花旺

羅天宇2008年參加《香港先生》時得到少年組冠軍而入行，12年嚟令人印象較深嘅「代表作」就係喺《愛．回家》入面飾演馬子仁。不過去年佢首次擔正演出無綫青春劇《香港愛情故事》，演活對兄弟有情有義、對老婆百般體貼嘅暖男陳子朗，帶挈佢人氣急升 ; 出色嘅表現仲令佢得到新版《十月初五的月光》嘅「司徒禮信」一角，33歲嘅佢，新一年勢如破竹呀！

{{hket:inline-image name="lovehk9_4216801685fd39b452bfb5.jpg"}}{{/hket:inline-image}}

不過人紅又有是非出現，日前有網民喺討論區出Post，相中嘅羅天宇出席《十月初五的月光》宣傳活動時，雙頰冇乜肉、下巴尖尖，睇落真係同以前大相逕庭。有網民指羅天宇去咗做「微調」啪骨，「都有整容，顎骨拉前咗，所以塊面睇落去冇以前咁肥」，亦有網民撐佢只係比起以前瘦咗，所以成個人Sharp晒，輪廓出晒嚟。

雖然羅天宇「變面」之後事業運強勁，步步高陞，而愛情運嘅全盛時期反而係拍《愛．回家》面型最圓碌碌嘅時候，仲令佢得到「女神收割機」嘅稱號，唔少男人都非常「葡萄」佢呀！

（↓點擊放大睇羅天宇「變面」↓）

女神收割機情史

有傳林芊妤（Coffee）是羅天宇的初戀女友，戀情於兩人分手後先曝光。要數到最女神級，苟芸慧絕對係第一名！苟姑娘比羅天宇大4年，因為同樣是基督徒而熟絡，繼而相戀。據指苟姑娘是羅天宇的前女友中，最深得羅媽媽心的一位，但兩人最終因為性格不合分手。

與苟姑娘分手後，有傳羅天宇與高海寧因為拍攝劇集《法網狙擊》而撻着，更被影到相約到深圳按摩，但佢哋均否認戀情。後來蔣家旻與羅天宇於《愛．回家》中飾演兩兄妹，經常出雙入對而傳出緋聞，不過二人未有就緋聞作出回應，而「馬子仁」和「馬子妮」的組合令觀眾頗為受落。

（↓點擊放大睇女神↓）

緋聞多多嘅羅天宇曾講過最深刻嘅戀情係阿湯（湯洛雯），因為二人一齊咗四年，係最耐嘅一個。不過二人最終都係和平分手，分手後佢哋曾一齊出埠拍旅遊節目，唔少網民都大讚二人默契十足，分手非常可惜呀！

圖片來源：東星娛樂