大搞音樂節目 曾志偉向星夢歌手派定心丸

曾志偉回歸TVB出任副總經理，並掌管音樂事務後，立即與三大唱片公司正式「破冰」，昨日更聯手舉行《音樂永續樂壇共享》記者會。志偉宣布由何麗全接管星夢娛樂及音樂部，又向星夢歌手大派定心丸，揚言不會忽略他們，選秀節目《聲夢傳奇》亦會起死回生。

昨日三大唱片公司環球唱片、Sony Music及華納唱片，除了派高層出席外，亦派出多位旗下歌手到場，加上星夢歌手周柏豪、吳若希、菊梓喬及王灝兒（JW）等，以及其他唱片公司歌手，逾百位業界人士出席記招。曾志偉在台上指，希望透過這次「破冰」行動，讓在座所有歌手都可亮相TVB所有音樂平台，宣傳自己歌曲。2011年離開無綫後、曾先後加入nowTV及亞視的何麗全，昨日正式「回歸」，獲委任管理音樂部門。

志偉透露很多老友得知他重返無綫後，即主動詢問他是否需要幫手，連歌神張學友亦有提出，志偉笑言︰「學友話一定嚟，大家有共同目的，就係想樂壇好。（向星夢歌手派定心丸？）一人一盒！」會否腰斬《聲夢傳奇》？志偉澄清︰「一定照做，依家有其他唱片公司參與，角色可能係導師、評審等，等呢班小朋友（參賽者）得到更多人認同，如果閂埋門選就無意思。」

吳若希自認「屋企一姐」

何麗全亦說︰「志偉提醒我哋唔好忽略星夢歌手，我問過歌手意見，佢哋唔擔心會影響競爭性。」志偉表示將增加更多音樂節目，《勁歌金曲》亦調至更好時段。找老友譚詠麟上節目？志偉搞笑說︰「姓譚嗰個唔係咁出名，成日瞓過龍！（Eason陳奕迅？）乜神都上呀！」

至於星夢歌手周柏豪、菊梓喬及吳若希一同受訪，柏豪不擔心「一哥」地位受動搖；而盛傳續約後，從菊梓喬手上重奪「一姐」地位的吳若希說︰「我喺屋企一直都係（一姐），TVB同何哲圖湊大我，任何一邊需要我都會幫手。」菊梓喬則強調從來無自認一姐，只想做好音樂。

採訪︰Pauline

撰文︰倪小珊

攝影︰林良明

美術︰梁政敏