黃建東時脹時瘦網民質疑進化過 鮮肉照 力證天生臥蠶兼有整容鼻

黃建東近日佔據無綫雙線劇，由8點半的《失憶24小時》到9點半的《陀槍師姐2021》都有他身影，尤其在《陀槍》中，見他脹爆身型飾演懸案小組「厚切GD」李志隆，查案時仲掛住發明星夢偷偷走去做臨記！現實中的阿東為了演活角色，不介意增肥或者變瘦，演畢「脹爆GD」後拍新劇《把關者們》，阿東狠狠搣甩16磅肥肉，狂做運動，臉都變尖了，不少網民對他的樣子變化之大，大感好奇。

{{hket:inline-image name="48.jpg"}}{{/hket:inline-image}}

黃建東拍《陀槍師姐2021》飾演發明星夢警員。（圖片：黃建東IG)

{{hket:inline-image name="54.jpg"}}{{/hket:inline-image}}

網民好有心機將Barbie Ken同黃建東嘅相作對比，大家覺得阿東係咪「港版Ken」？（圖片：黃建東IG)

籃球剋星︳黃建東演籃球手踢走16磅肥肉 落場操波手指公篤魚蛋變豬手 【下一頁】

阿東為證實自己是純天然無添加，在IG上截多張中學年代「鮮肉照」，有校服學生look、MK味極濃的花恤衫造型，亦有青澀少年一臉紅唇齒白。「因為《陀槍》而見到啲報道，話我個樣而家唔同咗。跟住我搵到中學嘅相片……」阿東續形容自己「樣貌似足Barbie男友Ken」，「渾圓的眼仔、彎彎的臥蠶、挺窄的鼻子、豐滿的蘋果肌、厚厚的嘴唇，唔係一早已經存在喇咩？唯一變咗係我脹爆咗嘅身形……」自嘲少年時代著衫、打扮taste「得人驚」，更抵死寫道，「如果畀我整 (容)，我只會想整細啲顴骨同嘴仔，點會特登整大佢？其實除咗Ken，我可唔可以似第二個人？」

阿東接受《晴報》訪問，講到為角色時肥時瘦，他表示：「喺拍《把關者們》時係瘦咗十幾磅，同《陀槍》嘅感覺好唔同。後來拍拍吓同一班演員熟咗，拍得好開心，日日有人萬歲（請食嘢），好似袁偉豪成日請大家食嘢，我慢慢又去番《陀槍》嘅身型啦，我實在太為食！」在IG po中學相亦有原因，「啲網民話我十年嚟個樣進化咗好多，話我蘋果肌好勁，又話嘴整厚咗，眼下面加咗臥蠶……所以我想畀大家睇，其實我中學時個鼻已經好挺，天生係一個整容鼻，亦係有臥蠶，我顴骨又高，而出世時個嘴已經係厚底啦！」阿東笑言：「如果我真係整，又點會整厚個自己個嘴同整大顴骨呢？」

（↓點擊放大睇圖片↓）

撰文：衛紫敏

《天天開運王》︳鄭俊弘何雁詩千呎愛巢曝光 巨型梳化惹血光之災點化解？【下一頁】