讚老婆煎糕有一手 蕭正楠封黃翠如做「廚如」

蕭正楠最近在煮食節目《Testing Menu》中拜師學廚，發揮烹飪小宇宙，昨日他出席記者會，即席示範火焰炒洋葱，有姿勢有實際。阿蕭以往經常取笑老婆黃翠如毫無下廚天份，不過昨日他大讚老婆煎賀年糕點十分美味，更幫太太改名做「廚如」。

蕭正楠昨日一身大廚look，宣傳他主持的myTV SUPER煮食節目《Testing Menu》。阿蕭在節目中跟隨十位星級廚師學藝，本身熱愛下廚的他獲益良多：「跟咁多位星級廚師學煮餸之後，真係發覺唔可以蝦碌，唔可以亂打亂撞，尤其跟日本師傅學藝，仲要係懷石料理，每個步驟都要好細心。今次真係學咗好多，可能畀錢都學唔到呀！」

幻想隔離營歎米芝蓮美食

提到阿蕭去年尾拍攝節目時，因有餐廳員工確診新冠肺炎，阿蕭被列為密切接觸者而要入隔離營，他說：「最緊要大家最後無事，過去唔好再提啦。不過喺隔離營嗰陣，都幻想過如果同一齊隔離嘅廚師煮嘢食，咁咪可以喺隔離營都品嘗到米芝蓮菜式囉！」

阿蕭笑言學藝後，也試過下廚給老婆黃翠如品嘗，他又搞笑說：「翠如呢排升咗級，有新花名叫『廚如』，因為佢新年煎咗好多蘿蔔糕同年糕，全部都好好食，又無整壞個爐！」節目中阿蕭學煮豬腳薑，是否寓意造人？他強調該集主要介紹雞蛋，所以才會炮製豬腳薑，跟自身沒有關係：「生BB睇緣份，我同翠如一向都好隨意，依家淨係想快啲解封，可以去旅行。」

攝影︰林良明

採訪︰Pauline