由細靚到大 湯洛雯遺傳爸爸「紫菜眉」

向來有「靚湯」稱號的湯洛雯，遺傳父親湯鎮宗及媽咪的靚爆基因，由細靚到大。前晚靚湯在IG上載小時候與爸爸的合照，只見靚湯童年時已經相當靚女，而爸爸湯鎮宗年輕時亦靚仔有型。靚湯留言說：「我都話我以前係紫菜眉，盡得老竇真傳。#條眉仲粗過隻眼#細個覺得太man依家先覺得好用。」

網民留言大讚靚湯天生麗質，而靚湯男友馬國明送上三個心心微笑公仔emoji，陳自瑤、岑杏賢及張名雅亦留言讚靚湯可愛。不少網民更錯重點，指年輕的湯鎮宗跟黃耀明撞樣，留言說：「仲諗點解你同黃耀明影相？」相當搞笑。