【聲明】港生活網站並無進行電話推廣活動

「小春雞」幫手執禮物籃 黎諾懿落區行善被街坊催生B

發佈時間: 2021/02/26

最近積極行善的黎諾懿早前親自落區,向土瓜灣劏房基層家庭派發有機禮物籃,還為其中一個家庭的小朋友大唱生日歌預祝生日,又透露自己跟兒子「小春雞」聯手將禮物逐件放入籃。黎諾懿表示︰「想個仔學識身體力行去關心人,但疫情下帶唔到佢一齊去派,不過我都會培育佢呢方面嘅認識,執禮物籃都係一個訓練,學習分享。佢大個之後,會帶佢去柬埔寨或者窮困地方做義工,想佢學懂珍惜。」

此行亦令黎諾懿勾起不少童年回憶,屋邨長大的他說︰「自己細個雖然窮,但好開心,物質上係無乜,不過我哋會有自己娛樂,例如用膠紙包住書包當踢波。」探訪期間,黎諾懿不時被催促「快啲生多個」,他笑言︰「個個都好着急,阿Bob(林盛斌)以為我唔得,成日話畀啲藥我食,其實太太都着急,佢都想有仔趁嫩生,希望快啲有好消息同大家講。」

「小春雞」幫手執禮物籃 黎諾懿落區行善被街坊催生B

黎諾懿爆太太禁止他買過多玩具給兒子「小春雞」。