曾因殘樣被質疑生病│陳錦鴻認「口水視帝」最愛打牌 耍太極養生Keep住著廿年前老西

陳錦鴻和好友劉雅麗近日接受楊紹鴻和江美儀的電台節目《一起走過》訪問，被江美儀笑稱為「口水視帝」的陳錦鴻非常受落，還開玩笑說：「終於都拎到視帝喇！」陳錦鴻表示自己在演藝學院畢業後，便加入亞視入行。當時兩間電視台都在差不多的時間找上他，但他比較直接，因為亞視先找他，所以他沒有理會無綫的條件就加入亞視，他笑言：「事後點樣說服自己，就係覺得年青人最緊要工作機會，無綫咁多人都未必有機會，周潤發都咁辛苦先爭到一席位，我仲更加難啦！」

53歲陳錦鴻暴瘦拍片面色蠟黃 網民認唔出勁擔心:生病了嗎?【下一頁】

{{hket:inline-image name="chan2.jpg"}}{{/hket:inline-image}}

陳錦鴻表示由中學開始已經愛上打麻雀，他表示：「中學時代我係日日打，仲要特登由元朗搭車去屯門村友打，放新年假期，五兄弟姊妹又不斷打，日日都好開心，最高峰期試過連打4日3夜！」他自認一旦愛上一種事情，就會鑽研到極致，不過人長大了就漸漸著重健康，開始鑽研太極。他說：「現時每日朝早起身就做兩至三小時運動，如伸展運動或者太極，下午就去行山。作為演員要長期準備，人哋一叫我開工就開得工，我都好多年冇做嘢，你睇我幾精神？我仲著緊20年前嘅衫，《上海灘》套西裝仲著得落，當年《刑事偵緝檔案》要我自費買兩套西裝，成2萬蚊一套，我都仲著得。（你好有錢！）所以啲人成日誤解以為拍電視賺唔到錢，其實唔係呀。」去年陳錦鴻在內地的短片露面時，由於樣子不太精神而且消瘦，一度被網友質疑是否生病，當時太太杜雯惠代為澄清，而陳錦鴻受訪時都中氣十足，打破生病的傳言。

劉雅麗自爆是陳錦鴻和他的太太杜雯惠的紅娘，她表示有年生日請朋友食飯，當時兩人未認識，但陳錦鴻不斷推杜雯惠飲紅酒，最終杜雯惠飲醉嘔到四圍都係。後來陳錦鴻主動問劉雅麗拎杜雯惠的電話，兩人就開始發展。問到為何跟劉雅麗沒有撻著？陳錦鴻說：「我鍾意比較有文化氣息，要有文采嘅！」劉雅麗稱一直以來視對方為兄弟，而長年來都非常佩服他總是準時，不會遲到。陳錦鴻說：「我怕遲到所以直情唔返屋企，直接喺TVB瞓覺，錄影廠、製作部、車上面（瞓覺）等等，有次日以繼夜拍，我下晝最終搵傷殘廁所攤喺地下瞓。」

（點擊放大睇圖片）

曾為老婆拒拍親熱戲 陳錦鴻停工多年 照顧自閉愛兒【下一頁】

劉雅麗慨嘆拍電視劇非常辛苦，自己吃不消，陳錦鴻說：「唔會覺得辛苦，呢個係你自己選擇，你可以唔做主角呀，但做得主角就預咗係咁，唔好嫌對白太多，你準備得唔好會影響好多人，做唔好不如唔好做。」他表示當年拍《雪山飛狐》，黃日華演他爸爸，由於當時黃日華表明要睇世界盃，所以劇組要一口氣拍完他的戲份，沒有休息，陳錦鴻說：「我冇嬲佢，佢肯拍呢個角色一係為咗添哥李添勝，二係為咗我先做爸爸呢個角色，所以我個心好多謝佢，我仲叫佢玩得開心啲，最終自己7日7夜冇返過屋企。」

楊紹鴻問到陳錦鴻一向視周潤發為偶像，為何夠膽重演對方的經典作《上海灘》？陳錦鴻解釋當年正準備拍《O記實錄II》，一向都不喜歡重疊拍兩劇，偏偏梁家樹希望他可以出演「許文強」一角。他憶起當時明明本身傾好會將劇情扭轉，不會跟原本的《上海灘》一樣，結果由於招振強視之為經典，最終變成模仿。他說：「一演就知出事，劇本一模一樣，連拍攝鏡頭擺位都一樣，周潤發行幾多步都要跟足，作為演員係極度痛苦。」雖然是黑歷史，但陳錦鴻所演的《上海灘》在內地重播時，一度追贏黃曉明的版本，最終獲得不少廣告和電影的機會。

責任編輯：楊安莉