晚吹｜水手爆過氣港姐疑上遊艇搵老細 香港先生竟動粗當眾摑女友一巴？

由林二汶和余迪偉主持的ViuTV節目《晚吹—又要威又要戴頭盔》，最新一集請來三位遊艇水手，分享在遊艇工作時的所見所聞，更大爆選美出身過氣男女藝人私底下的一面。

【護老院奇聞】《晚吹》看護爆腦退化翁被虐 老婆為長俸要求老公插胃喉吊命 【下一頁】

有嘉賓指他在出租遊艇工作時，曾見到有位選美出身嘅女藝人疑似落遊艇搵老細。雖然節目組在他講「X姐港男」時消咗音，但佢明顯係講港姐港男。「報道話佢有男朋友，甚至是未婚夫，但點知畀我哋見到佢好似落嚟搵食，搵老闆。呢頭同人攬頭攬頸，密密斟咁，嗰頭已經喺度濕吻。」

{{hket:inline-image name="viu.png"}}{{/hket:inline-image}}

他又指見過一名港男（香港先生）帶女朋友落遊艇玩，不過最後兩人不歡而散。「初頭係好開心，但個女仔講錯咗一句，佢就一巴掌摑埋去。個女仔之後就匿係房喊，喊到佢走為止。」

另一位就指曾見過一位電視上嘅好好先生，在遊艇上反而見到他私底下的一面。「佢落船個吓冇乜特別，不過船入面就有好多性感女仔。突然佢老婆打嚟，佢要成艘船嘅人聲、音樂聲都靜晒。咁佢同佢老婆交代佢做緊咩，佢緊係冇講自己係船上面，話佢自己有嘢做緊，忙緊。你係電視見到佢好正氣，原來佢私底下係咁。」

除了藝人外，有位嘉賓就指曾見過一班較出名嘅公眾人物，一齊租船落嚟玩。「其中一個嘅形象係打擊毒品、罪惡，崇尚健康人生。但我見到佢食煙，不過煙味比較特別，唔知個啲係乜。佢見我哋係旁邊望吓望吓，就問我哋要唔要。」

（點擊放大睇圖片）

之後林二汶問在場水手有沒有見過有人帶秘密情人上船，或甚麼轟動的事情。水手表示有些男生上船後會把不同種類的酒混合在一起，「試過有個女仔醉倒，失去知覺，又著得性感，開頭啲男士都對佢好有興趣，不過見佢冇反應就走晒。其實我覺得玩人都要保持尊重。」

眾人被問到遊艇最惡劣嘅情況是怎樣，有人就表示：「最惡劣的情況都是跟愛情動作有關，有老闆同年輕女子入房半個鐘，唔知個女仔係咪生理期，佢哋由張床玩到去廁所，再玩到大廳，最後我哋入去執嘢，一開門好似屠房咁，周圍都係血。」

{{hket:inline-image name="viu5.png"}}{{/hket:inline-image}}

【晚吹】僱傭中介爆有家傭要求多過僱主 有姐姐竟然被安排瞓廚房地下？ 【下一頁】