張致恒霉到貼地被貼街招追債 村屋信箱塞爆電話停用疑「着草」

前Boy'z (組合重組後改名為BOYZ) 成員張致恒（Steven），前年年中突然表示與女粉絲雯雯結婚同時做埋老竇，但當時Steven已經有一位公開嘅女友梁皓恩（April），之後再有多名女士前來「相認」，表示自己同樣受「情騙」，爆出原來Steven一腳踏六船！形象插水的他，叫停所有演藝工作，完全冇晒收入仲要養起老婆同兩個囝囝，真係不敢想像！

{{hket:inline-image name="75252624_198721704493978_3709717715108595925_n.jpg"}}{{/hket:inline-image}}

現年36歲嘅Steven，去年頻頻喺網上出post表示，「馬死落地行」，為養家廚房、保險乜嘢都撈，又不時向老婆大講愛的宣言，承諾自己會用一世去報答太太。起初都有啲輿論認為Steven肯「改過自新」而為佢一家打氣；不過早前又再被「小便女」模特兒馮鎵瀠（Naomi） 爆佢借錢唔還，仲周圍向圈中朋友借錢，包括張彥博、林盛斌等。隨後Steven先喺社交平台承認失業先無力還錢，向債主公開道歉兼承諾有拖無欠。

相關新聞：因財失義│張致恒懺悔為表面「大花筒」解釋 周身街數無力償還向朋友們道歉【下一頁】

（↓點擊放大睇圖片↓）

一不離二，日前再爆出Steven居住於元朗嘅村屋外遭貼街招追數！街招上係佢一家三口嘅慶生照，寫上「老千」、「還錢」嘅字眼，而Steven嘅信箱亦塞滿追數嘅紙張、信件 ; Steven疑似「着草」，街坊指上個月已經冇再見到佢哋出現，似乎已經搬走咗。又有鄰居大爆Steven老婆雯雯冇禮貌，同鄰里之間嘅關係好差。記者曾致電Steven求證，但佢嘅電話已經停用。