39歲唐詩詠遇「真愛」山聰做老爺？ 冇P皺紋「卡粉」網民話殘引罵戰

藝人唐詩詠被譽為「最佳女朋友」，不過兜兜轉轉都未遇到對的人，霎眼39歲嘅佢依然雲英未嫁。不過單身又有咩好怕，早前詩詠四出拜年兼聚會，仲可以繼續逗利是嘅佢都好樂在其中！

{{hket:inline-image name="150485251_731041407841621_1174602557863566586_n.jpg"}}{{/hket:inline-image}}

詩詠日前仲喺拜年嘅時候遇上「真愛」，不過原來係講緊陳山聰嘅得意B仔霆軒。詩詠自嘲係「BB殺手」，話自己一直以嚟都唔受BB歡迎，點知竟然同陳山聰嘅囝囝一拍即合，兩個對望嘅時候仲「通晒電」，睇到都覺得好冧呀！詩詠甜絲絲咁留言：「一直都不是BB喜歡的類型，不知為何這個B那麼喜歡我！好啦，我們相愛了！」不過爸爸陳山聰就呷霆軒醋，話相愛要問過佢先，但詩詠就指愛情要來好難阻擋。詩詠雖然未嫁人，但都有封利是畀霆軒，山聰扮囝囝留言：「多謝詩詠姐姐利是。唔係急，慢慢嚟。」

（↓點擊放大睇圖片↓）

詩詠為咗真實呈現佢同霆軒「過電」嘅溫馨場面，將佢同霆軒嘅合照完全冇加工咁放上社交平台，不過竟然就因為咁引起咗網民罵戰。相中笑得好燦爛嘅詩詠面上驚現皺紋，而且仲有卡粉嘅情況。有網民留言話詩詠「好殘」，又問佢點解唔加濾鏡，隨即惹嚟詩詠粉絲不滿，指詩詠呢輯相好自然，留言反問：「有誰不會老？」，最終仲演變成網民之間互相人身攻擊呀！

不過相信其實詩詠都係覺得靚先會post出嚟同大家分享嘅，小編見到詩詠充滿母愛嘅樣，都覺得個畫面好唯美呀！