護妻宣言︳Bob林盛斌心痛太太遭網絡欺凌 「搞我笑我冇問題 咪搞我屋企人」

林盛斌（Bob）一向是愛妻號，對結婚14年的太太黃乙頤 (Pearl) 愛護有加，今日Bob在自己Facebook發表「護妻宣言」，平反近日網民對其太太的言論，他寫道︰「最近，有幾個報道提起我太太，然後有好多網民留言評論，包括佢嘅外表同埋佢嘅工作，當然唔會全部都係一啲好好聽嘅說話，人身攻擊嘅有，無中生有嘅都有，好精彩。」

{{hket:inline-image name="65.jpg"}}{{/hket:inline-image}}

林盛斌將家庭放喺首位，所以對太太被網民欺凌於忍不住，要出手發文護老婆！(圖片︰黃乙頤FB)

{{hket:inline-image name="51.jpg"}}{{/hket:inline-image}}

林盛斌的Facebook的「護妻宣言」。 (圖片︰林盛斌FB)

對於太太被網民評頭品足，Bob寫著：「我太太的確唔係乜嘢大美人，佢只係一個普通女人，40歲，從來唔化妝，冇打針，冇整容，鬆動啲先去買兩件靚少少嘅衫着吓。生咗四個小朋友，好努力照顧佢哋，亦安排好佢哋嘅起居飲食同所有嘢。私人時間就去學吓呢樣，做吓嗰樣，然後將自己嘅興趣發展成為事業，靠自己嘅能力同知識去賺取家用，而佢都仍然keep到而家呢個狀態，喺我心目中，已經係『完美』。」眼見太太遭受網絡欺凌，Bob當然心痛，情願由自己多承受，「各位，搞我好啦，放過我屋企人啦，唔該晒！by the way，佢係瘦咗，又靚咗。」

及後，Bob接受《晴報》訪問，回應網上發文護愛妻一事，他表示：「早排有一啲關於我老婆嘅報導，都係話我老婆好犀利，又識呢樣又識嗰樣咁，又照顧得仔女同屋企好好，啲報道係冇問題，反而見到有啲網民留言係無中生有、人身攻擊，呢個我就覺得係有少少過分！所以我就話，要笑我，要搞我，完全冇問題，希望佢哋唔好搞我屋企人啫！」

（↓點擊放大睇圖片↓）

Bob撰長文拒吸負能量圖文不符 Po新相讚老婆幾靚背後原因勁衰 【下一頁】

Bob的「護妻宣言」一出，不少網民都在他的Facebook留言支持及安慰他，「你嘅福氣令他人妒忌，咁只好祝福種口業嘅佢哋」、「不招人妒是庸才！不用理會無品人的説話！嫂嫂加油！支持你」等等。獲網民力撐的Bob倍感安慰說：「其實我同網民一直都保持友好嘅互動交流，只係見到有啲生安白造嘅留言，去話我太太，我就覺得有啲唔係咁好啫！（太太有冇唔開心？）太太嘅內心都好強大嘅，唔會唔開心嘅！」

Bob嫂黃乙頤於2007年結婚，婚後誕下3女1子，「超級強媽」1湊4，近年更將興趣發展成個人事業，她既懂得中西玄學命理又是塔羅師，同時是芳療師及音叉治療師 ; 並鑽研生酮飲食法，成功減磅，「搣甩」原本肥嘟嘟的身型！沒想到Bob嫂成功背後，竟成為一些網民的針對目標。

（↓點擊放大睇圖片↓）

撰文：衛紫敏

黃建東時脹時瘦網民質疑進化過 鮮肉照 力證天生臥蠶兼有整容鼻 【下一頁】