效力無綫多年｜77歲余子明拒簽一年一騷約離巢退休 《歡樂今宵》演「大眼雞」最為人熟悉

77歲的余子明效力無綫多年，90年代尾起常擔任甘草角色，演出超過200部劇集。他最近接受傳媒訪問時透露，原來他在去年8月拍畢劇集《踩過界II》後便離開TVB，正式退休。他表示因TVB要求與他改簽一年一騷合約，他不甘被合約綁死，因此拒簽。繼劉江、雪妮等人後，又一個老戲骨離巢。

{{hket:inline-image name="yu.png"}}{{/hket:inline-image}}

余子明入行前是一名港聞記者，在1968年參加星島晚報舉行的「全港業餘歌唱比賽」，意外得到季軍。他在因緣際會之下，做埋夜總會駐場歌星，又曾到東南亞各地走埠登台。在演出《歡樂今宵》後，他正式加入無綫成為合約演員。

{{hket:inline-image name="622.jpg"}}{{/hket:inline-image}}

在逾40年的演戲生涯中，余子明曾參演過不少TVB劇集，當中經典角色有《封神榜》中的姜子牙、《金枝慾孽》中的鄂公公等，而佢喺《歡樂今宵》中趣劇演「大眼雞」最為人熟悉，至今仍然有人稱呼佢做「雞哥」。

（點擊放大睇圖片）

余子明早於1972年與馮素波妹妹馮素雲結婚，不過由於馮素波同馮素雲兩姊妹樣貌相似，到而家都仲有人認錯馮素波是余子明老婆，甚至圈中人陳齊頌同監製梅小青等亦曾誤會。而喺余子明成婚派發喜帖時，記者朋友仲以為佢搞錯自己老婆名，呢個美麗嘅誤會令余子明解釋到口水都乾！

（點擊放大睇圖片）

從演多年的余子明指自己一生無怨無悔，認識嘅朋友唔少，人緣亦唔錯。不過佢有一個小小嘅遺憾：「入TVB前做過歌手。以前有個心願，就係喺紅館開演唱會，但唔係要錢，係想開一個慈善演唱會，將所有收入捐給慈善機構，咁我就好開心！」

{{hket:inline-image name="yu2.png"}}{{/hket:inline-image}}