田蕊妮曾埋怨杜汶澤連累自己 TVB工廠式製作連句加油都要禁

田蕊妮近日接受張寶華的網台訪問，大談她離開無綫和與老公杜汶澤相處方式。提到杜汶澤多年來為社會發聲，阿田直認作為身邊的人，難免大感壓力，阿田說：「都攰呀，女人難免會有比較，有時諗點解人哋家庭係咁，會指摘好多嘢，我都畀好多壓力佢，成日諗好地地唔得嘅？直情同佢講：『你影響咗我呀！』呢句好冇愛嘅說話，一對夫妻講成咁，我知佢好Hurt！不過佢好得意，佢都會好唔開心，佢都會發我脾氣，佢覺得我好唔明白佢，亦會有強烈爭拗，但佢從來冇諗過要放棄我，呢方面都幾硬淨。」

田蕊妮唔明杜汶澤點解操咁「行」 認好老婆放閃:我好係因為杜生好【下一頁】

{{hket:inline-image name="ef785251-6ecc-4b09-9624-61306b179b9a.jpg"}}{{/hket:inline-image}}

田蕊妮指與阿澤結婚16年之間有不少的變化，外界總認為她容忍老公，其實她自知難頂，經常都會講出傷害老公的說話，她說：「每個人習慣都係自私諗咗自己先，我試過最傷害佢嘅一句說話就係：『你連累到我呀！』呢句真係夠Hurt啦！坦白講如果佢咁同我講，我一定走咗。我好感激杜生令我成為一個更加好嘅人，有時我諗我睇佢咁唔順眼，點解仲會同呢個人一齊呢？佢話我知人有優點同缺點，每日淨係針對佢嘅缺點，咁係好冇意思。呢條友，真係有啲諗法。」

提到阿田約滿離開TVB，近來積極為阿澤的網台「喱騷」拍節目，又準備《聖荷西殺人案》的舞台劇演出。張寶華指TVB曾經是人人趨之若鶩的夢工場，為何會選擇離開？阿田解釋從沒有「好恨」入TVB，當年因機緣到商台跟吳君如和鄒凱光主持《嘩嘩嘩打到嚟》節目，不善辭令的她感到非常之大壓力，難得遇上有TVB監製邀請拍劇，她興奮即時離開商台到TVB發展。

（↓點擊放大睇圖片↓）

田蕊妮憶媽咪治療胃癌陪伴在旁 哽咽：「呢種親密世上無可取替」【下一頁】

對於前年正式離巢，阿田解釋：「離開TVB呢個想法都諗咗一段時間，我真心好鍾意演戲，TVB滲透度好廣，令好多人都認識田蕊妮。我拍戲好純粹，就係做好每一個角色，對鍾意我嘅觀眾一個好回報。TVB係24小時製作流程，為減低成本，日以繼夜廠接外景再接廠，就算套劇預咗擺一、兩年先播，佢哋都要拍到好急，正如大家所講嘅工廠式運作。」

阿田直言一邊開工一邊充滿矛盾，好想在演戲上能夠再進步，卻有著不同的掣肘，她說：「我想越做越好，但在工廠打工大家『啤』緊一嚿膠，但你話要雕花，變相你會難為咗人哋，咁我應該要配合大家繼續『啤』，定自我要求再進步呢？我想唔只係『啤』膠，就算『啤』都要『啤』靚啲。」阿田透露離開的最終觸發點是2019年9月宣傳最後一個劇《她她她的少女時代》時，宣傳人員突然向所有出席的演員訓話，因敏感時刻著大家不要向傳媒講「加油」，阿田說：「呢間工廠已經『啤』膠，仲要自我審查咁嚴重？加油都唔畀講？創作唔係咁樣，再咁落去，我怕我會成為機器。」阿田原本打算到法國讀戲劇，後來卻遇上新冠肺炎，被杜生強烈反對，最終改變了計畫，暫時先做好「喱騷」同排練舞台劇的演出。

（↓點擊放大睇圖片↓）

責任編輯：楊安莉