吳孟達病逝│田啟文遺憾未有提早探望達哥 曾志偉提往事哽咽望後輩學習

資深演員吳孟達2月27日因肝癌擴散，多個器官衰竭而死亡，終年70歲。無綫特別準備《無可比擬的演藝泰斗：永遠懷念吳孟達》特備節目來懷緬達哥。達哥生前在無綫和電影界工作過不短日子，很多與他合作過的好友都有現身，包括曾志偉、羅冠蘭、吳麗珠 、戴志偉、關禮傑、苑瓊丹、林子聰等等，以表達對達哥的懷念和敬意。

家人陪伴在側│吳孟達癌細胞擴散致器官衰竭 今午不敵肝癌離世終年70歲【下一頁】

{{hket:inline-image name="NG2.jpg"}}{{/hket:inline-image}}

{{hket:inline-image name="NG6.jpg"}}{{/hket:inline-image}}

田啟文（田雞）連日來在醫院向傳媒交代吳孟達病情，他自責一直以為將可探望達哥，沒想到再見時對方已在彌留階段，他說：「我噚日喺醫院睇住佢走，到呢一刻仲未接受到佢離開。醫生話佢瞓住嘅，聽到晒我哋講嘢，但畀唔到反應，一直閉緊雙眼，直到臨走一刻瞪大眼，畀個反應跟住就走。我原本安排好早啲去睇佢，但又唔想咁多媒體阻到佢，又怕疫情會帶病菌去醫院......佢講到嘢嗰陣，我唔喺佢身邊傾多啲偈，到佢畀唔到反應先出現……」

剛升任無綫副總經理的曾志偉分享吳孟達的往事，希望令所有人、演藝圈後輩吸收這份正能量，「佢年輕時生活放任，飲酒又賭錢，欠落一身債，周圍問人借錢，啲人都唔敢叫佢開工，怕見到佢要借錢畀佢。有個朋友不停幫佢，後來連呢個朋友都決定唔幫嘞……佢覺得冇希望，人生去到盡頭，於是喺城門水塘諗住一腳踩入去……佢望住個天話想下世重新做人，但又諗到下世未必做到人，咁既然而家仲係人，不如而家重新做人！佢返到無綫同編劇、監製講，叫大家用佢，因為將會見到不一樣嘅吳孟達……從此佢就唔帶劇本入廠，因為已經記熟晒對白，仲記埋對方對白！佢由一個係人見到都驚，到變成都大家敬佩嘅演員，為人同演技真係令大家佩服。」說時志偉亦不禁哽咽。

(點擊圖片放大)

吳孟達病逝│劉德華吳君如沉重哀悼 苑瓊丹讚達哥係圈中良師益友【下一頁】

導演王晶稱跟吳孟達早在《歡樂今宵》時合作，1990年代又合作過十多齣電影，他形容對方是最好的下把位演員，「任何演員遇著佢，角色都會加分，佢係100%下把位演員，托到主角令主角變好，但自己又好睇。」而黃一山、黃一飛等分別拍片懷念好友，其中面頰凹陷的黃一飛慨嘆自己比吳孟達還要大9歲，「聽到死訊都好突然，因為唔清楚佢乜嘢病，我大佢9歲，戴住帽睇唔到，但白頭人送黑頭人，送唔到終，希望佢家人節哀順變，人總會有一日一縷輕煙，唔好咁傷心。」

另外，無綫同時變更節目表，今晚起午夜將重播《他來自江湖》，讓觀眾可以透過經典作品來懷緬達哥。

{{hket:inline-image name="732c79e3-f0e2-4bd2-84da-2765b731e29c.jpg"}}{{/hket:inline-image}}

{{hket:inline-image name="057878e7e00331de4cb7aac8f9a39817_tplv-xg-center-qs_422_236_q75.jpg"}}{{/hket:inline-image}}

責任編輯：楊安莉