蘇施黃聽醫生勸告戒煙21年 憶起張國榮陪歎最後一支煙

66歲的蘇施黃在YouTube開設的頻道《教煮蘇 This is So good》，除了教大家下廚煮幾味外，亦會分享健康心得。最新一集稱因為最近身邊有朋友肺癌離世，所以她想和網民說一下吸煙的害處。阿蘇曾是「煙民」，年資達27年！

自戒煙成功後她最怕聞到煙味，「戒咗煙嘅人特別憎嗰浸煙味，有啲食煙嘅朋友成身臭，就嚟要同佢哋絕交！」阿蘇續說：「我唔鍾意用『戒煙』呢個詞語，講到戒就係要叫人放棄鍾意做緊嘅事！我成日覺得食夠就唔食囉，如果你自己覺得仲未食夠就繼續食囉，總有一日你會覺得夠，食煙都會有夠嘅一日。」

{{hket:inline-image name="04.jpg"}}{{/hket:inline-image}}

蘇施黃在30歲時聽醫生說過吸煙切忌超過30年，否則肺功能有機會急速變壞。(圖片：電視截圖）

{{hket:inline-image name="01.jpg"}}{{/hket:inline-image}}

蘇施黃稱當年經常和哥哥和唐唐打麻雀。(圖片：電視截圖）

蘇施黃65歲成功轉型做YouTuber 撒哈拉一篤尿悟出人生道理 【下一頁】

阿蘇笑言想同成身臭煙味的朋友割席，同時公開向張國榮密友唐唐（唐鶴德）道歉，「我首先要向某人道歉，因為當年廿幾歲成日打麻雀，我成日都話真係辛苦佢、唔好意思，呢個人就係唐先生（唐鶴德）。因為唐唐唔食煙嘅，但我哋成日打牌，好多時仲係兩、三枱麻雀，十個有九個食煙，唐唐差唔多係唯一一個唔食煙嘅，現場就似足黃大仙咁煙火鼎盛，佢真係好難頂呀！」

為何阿蘇決心戒煙？她30歲多時經常因小毛病進出醫院，醫生知她是煙民，每次都要她照肺，「當時照出嚟醫生話我個肺好靚，完全唔似食煙嘅人，但佢提醒我，肺好得意，食煙千祈唔好過30年，一過30年，健康狀況可以突然急跌得好犀利，我謹記佢呢番說話！」阿蘇稱自己喜歡在大時大節做有意思的事，當時數數手指自己已有27年「煙齡」，便決定戒煙。「喺1999年11月我透過電台節目表示要喺2000年2月17日生日當天戒煙，廣傳咗畀700萬人聽，等自己冇得後悔！」

回憶戒煙前夕，即2月16日當晚，老友張國榮及一班朋友在麗晶酒店見證她告別煙民身分，「佢哋嚟陪我食最後一支煙，十點幾嗰陣，我就不停咁煙駁煙，到十一點幾，仲食剩幾支，朋友就撳熄我手上面支煙話『唔好食嘞』，happy birthday唱生日歌啦……就係咁，嗰支就係我最後一支煙！」

（↓點擊圖片放大↓）

阿蘇表示戒煙初期感覺不到身體有何變化，差不多兩年之後，始覺味覺有所不同，「覺得食啲嘢係好食咗，就算係飲啖茶都覺得特別甜。直到50歲我去撒哈拉沙漠參加馬拉松，第一次發現食煙同唔食嘅分別，因為訓練時間好長，每日行至少8、9小時，咁大嘅運動量，又係帶氧運動……人哋冇食煙個肺似氣球有彈性，我個肺就似紙袋冇彈性，所以吸嘅氧少好多！」最後她不厭其煩在節目上告誡身邊吸煙的朋友，「唔係要你戒，係你幾時先食夠呢？」

撰文︰衛紫敏

吳孟達病逝│達哥認感情白癡三段感情五子女 14年心臟出事早已立遺囑分身家 【下一頁】