黃韻材最經典花滿樓│秦煌難忘與四大艷星拍《軍閥趣史》 四演周伯通原來唔係最多...

秦煌和黃韻材近日接受楊紹鴻和江美儀的電台節目《一起走過》訪問，秦煌四演「周伯通」的角色，而黃韻材演「花滿樓」都有五次之多，兩人都是角色經典。不過原來秦煌自爆演最多的並不是「周伯通」，而是「趙半山」，包括1978年、1985年及1999年《雪山飛狐》和1987年的《書劍恩仇錄》，加上電影演過3次，合共7次，他笑言：「趙半山不知幾好演，企喺度就可以。」另外，「程咬金」在不同劇集都出現過，而秦煌至少演了6次，包括《隋唐風雲》、《薛仁貴征東》、《薛丁山征西》、《薛剛反唐》、《大運河》、《烽火奇遇結良緣》。

至於黃韻材飾演的花滿樓，他在《陸小鳳》系列中四演花滿樓，加上後來在電影《陸小鳳與花滿樓》，合共演了五次。

【12年前曾不慎墮海】72歲秦煌疑血糖低電視城見暈倒地 無綫安排救護車 送院時清醒【下一頁】

{{hket:inline-image name="20210222174616_1294449484.jpg"}}{{/hket:inline-image}}

同一角色演出多次，問到會否感到沉悶？秦煌開玩笑說：「可能監製話我拍得唔係幾好，叫我再拍過。」不過黃韻材指絕對是秦煌無可取代，才多次演出同一角色。提到入行經過，秦煌在佳視開台之初，獲何佐芝介紹做跑龍套，後來認識李翰祥導演，獲安排拍不少的電影，其中最為人熟悉的是《軍閥趣史》，問到跟哪位艷星拍攝，秦煌笑稱忘記了，楊紹鴻指該戲有胡錦、邵音音、余莎莉和楚湘雲四位艷星參演，秦煌說：「胡錦拍咗一日就走咗啦，可能因為見到係我，之前《大軍閥》，以為會係許冠文。趣事好多，例如拍拍吓突然有泥塵跌落嚟，原來好多燈光師上咗燈槽偷睇。」他表示以往陪李翰祥導演剪片，他負責提菲林，見他一邊剪一邊罵，最終在他身上學到很多。

楊紹鴻笑秦煌肥胖的身形，有次去新加坡登台竟然唱《跳舞街》，不過唱到唔識埋尾連唱十幾分鐘，秦煌笑言：「我兜幾次唱停唔到，我就冇所謂，跳舞嗰班跳到盲腸炎。」提到身形的問題，秦煌憶起當年去西安取景拍攝《大運河》，全部都是中年馬匹，當時武術指導唐佳要求他們一人騎一匹馬，秦煌說：「我行埋去啲馬度，啲馬會行開，避開晒，好似捉雞仔咁，最終要夾硬嚟，睇邊隻唔好彩。」

68歲黃韻材多才多藝是隱世華佗父母生病無力醫治成最大遺憾【下一頁】

秦煌表示在深圳置業後，經常都中港兩邊走，總覺得深圳的居所比較清靜，人都可以放鬆得多，一星期總有時間約不同朋友去不同地方食美食。「我唔會退休，退咗休冇嘢做，呢排困我喺酒店兩個月都好悶，人最緊要生活得自己滿足，同朋友偶然飲吓茶就開心。」

責任編輯：楊安莉

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress