【聲明】港生活網站並無進行電話推廣活動

含淚憶故友 曾志偉︰達哥好似喺身邊

發佈時間: 2021/03/02

吳孟達上周六因肝癌病逝,無綫前晚舉行特備節目悼念達哥,曾志偉、田啟文(田雞)及林子聰等逐一分享達哥生前點滴。志偉憶述達哥當年由欠下賭債,再重新振作的往事,忍不住淚灑當場。

吳孟達於無綫第三期藝員訓練班畢業,無綫前晚特別播出《無可比擬的演藝泰斗永遠懷念吳孟達》紀念特輯,請來多位曾與達哥合作的好友懷緬達哥。志偉指達哥年輕時曾欠下周身賭債,周圍問人借錢,更想過輕生:「達哥覺得無希望,於是喺城門水塘諗住跳落去…」幸好達哥及時醒覺,決定重新做人,志偉哽咽說:「佢由係人見到都驚,到變成大家敬佩嘅演員,為人同演技真係令大家佩服。」

剛任TVB副總經理的志偉,受訪時表示達哥是無綫家人,所以立即製作悼念節目:「達哥喺香港觀眾心中係一個代表人物,我哋戲路差唔多,所以成日合作,好似家人咁,提到家人一定諗起佢。我講起嗰陣,覺得佢好似係身邊咁,我最後一次見佢係去年底。」

協助處理達哥身後事的田雞,在節目中透露達哥彌留時一直閉目,離世前一刻突然睜大眼,給了一下反應便去世。他自責說達哥清醒時自己未及時探望,到真正見面時達哥已不能給予反應。

田雞遺憾未及探望

田雞透露達哥家人仍非常傷心,故暫未商量後事,他指家屬本不想辦追思會:「但因為演藝界一定會搞,後來徵得達哥家人同意,追思會交畀我負責。」他指達哥90多歲的母親,直到達哥彌留之際才得知兒子病況:「達哥媽媽好傷心,唔想再刺激佢,希望唔好再有負面報道。」對於有關達哥遺囑內容及遺產的報道,田雞指達哥14年已立好遺囑,澄清對方無經濟問題︰「話佢有一千萬遺產當然係假,但我唔會講有幾多,仔女亦無爭產。」

採訪︰Pauline

攝影︰林良明

美術:梁政敏

含淚憶故友 曾志偉︰達哥好似喺身邊

曾志偉難忍悲傷,低頭拭淚。

含淚憶故友 曾志偉︰達哥好似喺身邊

前晚悼念特輯播出達哥生前的演出片段。