麥美恩生日多謝緋聞男友許文軒 壽星女素顏愛食譚仔被讚貼地

麥美恩 (Mayanne) 農曆年前由溫哥華飛返香港，令整個農曆新年都在酒店中隔離，冇得逗利是 ; Mayanne在2月28日生日前完成隔離程序「出關」，終於可以好好慶祝34歲生日的大日子嘞！

{{hket:inline-image name="23.jpg"}}{{/hket:inline-image}}

許文軒和麥美恩外型相襯，是觀眾心目中的一對。（圖片：東星娛樂）

{{hket:inline-image name="19.jpg"}}{{/hket:inline-image}}

麥美恩早前於完成21日酒店隔離，可以盡情去慶生。（圖片︰麥美恩IG)

《陀槍師姐2021》︳麥美恩充濶太事敗遭老公拋棄 眼淚鼻涕All-in演出差啲出事？ 【下一頁】

Mayanne由好姊妹駱胤鳴及其老公彭嘉彬親接「出關」，但就未見緋聞男友許文軒現身。之後的幾天，Mayanne雖排滿了慶生節目，但多數黐實駱胤鳴夫婦3人行 ; 網民見Mayanne 34歲感情仍未有著落，替她擔心又心急，在她IG留言表示希望她能夠快快「脫單」有人愛錫。

昨晚Mayanne的IG限時動態內，緋聞男友許文軒終於出現，為壽星女補祝生日。自Mayanne去年底返加國探親，兩人已有一段時間沒有見面，不過這頓生日飯也非「二人世界」，席上還有周奕瑋、駱胤鳴兩個巨型電燈膽！他們送上寫著「Mayanne B」的生日蛋糕，又有壽桃包及西式甜品，甜到漏！難怪見Mayanne舉起V字手勢笑不攏嘴，並表示：「多謝許生請食飯！」她指感謝身邊有不少愛錫她的朋友，「感恩，身邊真係有好多、好多錫自己嘅人，願大家健康幸福，我繼續令大家笑、大聲笑同細聲笑，哈哈哈哈哈哈哈！」

（↓點擊放大睇圖片↓）

Mayanne接受《晴報》訪問，提到終於與緋聞男友撐枱腳，「我哋好耐冇一齊食飯，終於屈到佢請食飯，我當然叫埋駱胤鳴、周奕瑋一齊嚟食啦！成餐飯都好嘈，笑到癲咗！」網民希望她早日「脫單」，Mayanne坦言一直有人追，「有人追嘅！（你要求太高？）咁我係外貌組……我要靚仔，咁算唔算要求高呢？同埋我哋呢行時間唔穩定，都要對方適應到先得！（許文軒有冇機會先？）佢都講過啦……我哋太熟嘞！」Mayanne知道很多人誤會兩人是一對，二人也不會介意，Mayanne︰「冇所謂啦！呢啲係觀眾緣嚟，好難去改觀嘅。」

Mayanne性格開朗不造作，當晚完成隔離「出關」，除了素顏示人還嚷著要食「譚仔」，難怪網民讚她夠「貼地」。她又經常在鏡頭前不顧儀態，以「轟炸式喪笑」來逗觀眾開心，就如元宵節當天，她再做電燈膽跟實駱胤鳴夫婦到西九文化區去野餐，原本置身在陽光普照的環境，但坐在草地上的Mayanne突然來一記「美女揈頭」，同時一手抓起大嚿榴槤放入口中，一副滋味樣子！Mayanne在IG寫上，「自製浪漫，好專業喔，野餐榴槤，真係驚喜！」有網民笑問「食榴槤會唔會搞到公園好臭呀？」、「笑死我喇！」

（↓點擊放大睇圖片 野餐食啲乜嘢↓）

撰文︰衛紫敏

抗疫片《總是有愛在隔離》︳陸永蘇麗珊搞婚禮被封變困獸鬥 谷祖琳6歲愛女劉悅瞓身演出 【下一頁】

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress