大纜扯唔埋？丨麥大力做薛芷倫「座上客」唱K直落 豪食廚師發辦大塊金箔啪入口

《衝上雲霄大選》冠軍靚仔飛機師麥大力異性緣勁旺，喺大選時佢嘅魅力已經可見一斑，一眾女士見到佢都嗒晒糖，而近日，麥大力fans仲升level去到城中名媛薛芷倫（Fanny）嘅級數！

{{hket:inline-image name="154385342_401366961277137_3200530161915490114_n.jpg"}}{{/hket:inline-image}}

日前薛芷倫於家中設宴，馬浚偉、盛品儒及太太蔡一鳳等好友齊齊出席，大歎日本菜Omakase（廚師發辦）。佢哋呢餐Omakase食得超豪，相中見到除咗刺身之外，仲有用一大片金箔整成嘅手卷，唔知到底係咩滋味呢？而最驚喜係坐喺薛芷倫側邊嘅，竟然係睇落大纜都扯唔埋嘅麥大力，兩個仲身貼身合照，非常close！眾人晚餐後直落唱K，Fanny更大開金口，仲同馬仔合唱，氣氛非常好。

薛芷倫呢間大宅係佢上年送畀自己嘅生日禮物，花咗2年時間親自監督設計、豪華裝修大屋，仲設有卡拉OK房間，疫情下都可以喺屋內享受多元娛樂。薛芷倫有Ball場皇后之稱，由細細個開始已經去到邊都成為焦點！

（↓點擊放大睇圖片↓）

薛芷倫曾喺娛樂圈闖蕩幾年，她自小家境富裕，其後赴美在紐約大學修讀英國文學學士學位，20歲完成學業返港，22歲父親去世後承繼大筆財產。薛芷倫26歲嫁予大生地產集團主席馬清偉，婚後生下兩子一女， 不過喺佢39歲時就宣布同馬清偉離婚，此後更加活躍Ball場，每次都打扮到花枝招展。但2009年薛芷倫患上乳癌，化療副作用令佢皮膚大面積脫落，情況危殆。薛芷倫最後咬緊牙關逃出鬼門關，雖然昔日靚樣不復還，仲要承受外間指佢整容嘅閒言閒語，但薛芷倫懶理世人目光，經營佢自己嘅事業，繼續活得精神。