《愛回家》︳Terry尋求死唔斷氣演技玩觸電 八千公老闆娘係真·御用死人曾琬莎

無綫處境劇《愛回家之開心速遞》昨晚一集，龍力王Terry (李偉健飾) 又為演技搞到好煩惱，因為荷李活大導演嚟香港物色華人演員 ! Terry第一時間去報名準備試鏡，演繹一個「臨死就嚟斷氣」嘅反應 ; 事前他好擔心力有不逮，遂向舅父KC救助，點知慘被家姐龍力蓮嘲笑！KC搵嚟一眾「死亡專家」包括醫生、善終臨床心理學家等，連問米婆都唔放過，希望他們可以過幾招畀Terry，結果……

{{hket:inline-image name="60.jpg"}}{{/hket:inline-image}}

力王Terry仲乜咁激動想勒死舅父KC？(圖片︰電視截圖）

{{hket:inline-image name="62.jpg"}}{{/hket:inline-image}}

KC為咗Terry搵咗一班專業人士向他講解「點樣先會死？」(圖片︰電視截圖）

《愛回家》George髮型2.0終被池子孝收服 金城安可愛冬菇頭網民叫好 【下一頁】

Terry亦有向根叔（劉丹飾）請教，根叔好心幫忙七情上面做晒「死唔斷氣」、「中毒死」的表情，亦似乎滿足唔到對方。Terry一招自行「箍頸兼趴枱」浮誇演技，根叔都忍唔住笑，惟有安慰他「你記住一句說話，你係得嘅。」之後就甩身走人！突然有個「白鬚公」場務出現，向Terry指點迷津，「呢個人真係認得死㗎！」原來片場中的人都叫佢做「御用死人」。

Terry、舅父KC幾經辛苦，終於靠潮生搵到「御用死人」下落，仲話「御用死人」已經息影。當Terry睇完「御用死人」演麗妃一幕嘅死亡演出，覺得熟口熟面，發現原來係八千公老闆娘（曾琬莎飾）就係「御用死人」！Terry為咗要打動八千公老闆娘傳授演「頻死」與「死人秘訣」，做足資料搜集討好對方，表示：「你喺電視台演過17次死人！」等等，八千公老闆娘道出息影原因：「就係演得死人太多，我再搵唔到突破點嘞！」

（↓點擊放大睇圖片↓）

八千公老闆娘教Terry「死唔斷氣」三招，即是「眼神冇焦點、冇呼吸、冇反應」，兼且身體要忍到「冷熱痛」，但最緊要都係「臨場有好發揮先得」！終於來到試鏡日，論盡的Terry因為意外觸電，「符碌」喺導演面前做出完美的「臨死反應」，最終願望成真贏得去拍美國荷里活拍大片的機會！

其實今集《愛回家之開心速遞》「御用死人」嘅演員曾琬莎（Kate），真係畀網民封為無綫「御用死人」！Kate在無數古裝、時裝劇中有共有17次死亡演出，包括今次「劇中劇」畀皇后勒死再扔落池塘一幕，正正係Kate於《耀舞長安》(2012年) 時的演出 ; 她曾明言因為拍死人戲太多，而收過好多封利是。

（↓點擊放大睇圖片↓）

撰文：衛紫敏

麥美恩生日多謝緋聞男友許文軒 壽星女素顏愛食譚仔被讚貼地 【下一頁】