太極Gary Tong唐奕聰疑心臟病猝死終年57歲 曾跟張國榮合作無間

太極樂隊成員Gary Tong（唐奕聰）今日被發現在家中昏迷不醒，疑因心臟病發猝死，終年57歲。Gary在圈中的表弟李忠希在電話中確認死訊，他表示一個小時前得知消息，「太突然，突然到我仲未接受到。好多畫面浮現腦海，因為係佢帶我入行，我出道時係跟住佢做助手，當時我中五未搵到工作，就做佢助手同司機，日日對住佢，對足好多年。佢知我鍾意唱歌，鼓勵我去學唱歌。對上一次合作係吳國敬演唱會，真係好傷心同可惜。」他表示自己近年在無綫以拍劇為主，與對方比較少聯絡，但親友的聚會總會碰面。他說：「我哥哥經常聯絡佢，因為我哥哥係結他手，佢哋之間比較多合作，暫時我都唔係好清楚死因，只知佢前排話有少少唔舒服。」

【孖住去婚宴】戴夢夢帶鼓手男友現身搶Fo 4年情愛得轟烈曾醉酒街頭鬧事【下一頁】

{{hket:inline-image name="800_2e0a45b53ff84bfb170904383acc4fd2.jpg"}}{{/hket:inline-image}}

據知，Gary近年為健康著想而積極做運動，養成跑步習慣後體型比以往清減不少。而Gary跟太太結婚多年，膝下沒兒女，太太對於突如其來的消息非常難過。好拍檔鄧建明回應傳媒說：「剛剛收到消息，Gary Tong離開咗我哋。我覺得好突然，實際內情仲係了解中。我相信Gary Tong都唔會想我哋咁傷心，因為佢本身係一個好樂觀嘅人，有咩消息會再通知大家。」鄧建明指對上一次見Gary是兩星期前錄影《Chill Club》，當時由Gary彈琴，他表示幾年前開始Gary表示有少少不舒服，而近一年身體都不錯。

Gary樂於提攜後輩，成為不少新晉歌手的幕後推手，包括Mr.和麥家瑜，麥家瑜在IG留言說：「說不出的心痛，但願你在天家繼續快樂的生活，Gary哥哥，我們將來再見。」她在電話中表示由於消息太突然，令她難以接受，「太多回憶喇，我返香港時，佢係我恩師，又係一個好好嘅前輩去照顧我，就算而家唔係經理人嘅關係，佢都時刻鼓勵我同提點我。之前我開YouTube Channel，佢仲話要幫手就出聲，又話約埋一齊做運動。如今失去一個恩師同一位好好嘅前輩好痛心。」

Gary是太極樂隊的鍵琴手，由1984年開始夾Band，1985年出道。他亦是著名音樂監製，以往曾經跟張國榮合作無間。張國榮的《拒絕再玩》、《怪你過份美麗》、《敢愛》等都是Gary作曲，而《妄想》、《暴風一族》、《左右手》、《大熱》等都是由他編曲。近年，雖然太極成員各有發展，「合體」演出的機會不多，Gary在幕後仍然非常活躍，多年來為不少歌手擔任歌曲監製的工作，跟他合作過的歌手多不勝數，包括黎明、劉美君、周慧敏、張學友、王菲、湯寶如、王韾平、彭嘉麗、陳奕迅、Mr.等。

對於Gary離世的消息，音樂界都大為婉惜，單立文、陳明道，Ronny@Mr.、鄭中基、麥家瑜等都在社交平台悼念。

責任編輯：楊安莉