曾參加新秀 郭政鴻闖樂壇挑機古天樂

郭政鴻前晚應敖嘉年邀請，為《星級靚聲演唱廳》網上音樂會擔任嘉賓。二人過往不時合作拍劇，傾偈話題多數圍繞功夫及演戲，今次是首次合作玩音樂，郭政鴻笑說：「我哋連卡拉OK都未試過一齊唱。」原來郭政鴻85年曾參加第四屆新秀歌唱大賽，他笑言應敖嘉年要求，前晚獻唱當年參賽歌曲《夏日寒風》。提到同屆新秀有杜德偉、李克勤、周慧敏及草蜢等，郭政鴻說：「當年參加比賽仲係後生仔，乜都夠膽死。」

郭政鴻曾推出個人單曲《衝》，他笑說：「因為疫情好多工作都停咗，之前試過喉嚨生繭，擺低咗唱歌，疫情下都想唱正能量嘅歌。」會否勇闖樂壇做新人？他笑說：「睇下係咪好趕客先，我都想同古生（古天樂）爭一日之長短，哈哈！」他又自嘲並非偶像派，而是行「實嘔派」路綫。

採訪︰Pauline

攝影︰林良明