積蓄耗盡︳孫慧雪出Po為好友陳積榮籌藥費 病況轉差：「佢見到我忍唔住喊」

前無綫藝員陳積榮（Jeff)去年6月發現患上第四期肺癌，左下肺出現一個非小細胞形式腫瘤，並有擴散跡象，醫生當時診斷最壞情況只剩得半年壽命，Jeff的家人、女友及朋友都在身邊支持他 ，助他努力面對惡疾 。連月來Jeff接受電療及服食標靶藥，希望阻止病情惡化，可惜，病情未有大進展，而之前籌得的80萬醫療費亦已耗盡。據了解Jeff將要服食第3期的標靶藥，但該藥每月要價4萬元，相當昂貴，令到Jeff為醫療費用問題感到徬徨無助。

{{hket:inline-image name="03.jpg"}}{{/hket:inline-image}}

患第四期肺癌的演員陳積榮，身體日漸虛弱消瘦。（圖片：網上截圖）

{{hket:inline-image name="01.jpg"}}{{/hket:inline-image}}

孫慧雪在社交平台出Po幫好友兼同學陳積榮籌醫療費，不少網民都踴躍捐款，令阿雪好感動。（圖片：網上截圖）

好友孫慧雪與Jeff是無綫第20期訓練班同學，昨日阿雪在社交平台為Jeff出Po籌募醫藥費：「喺呢度！好想懇請大家幫我一個忙！由我訓練班開始，已經認識咗15年嘅好朋友Jeff，驗出有第四期肺癌，佢唔煙、唔酒、無不良嗜好、個人心地好、兼有夢想有理想 ！而家仲好年輕！佢好希望可以康復，但係醫療費已經用晒啦，好希望大家可以出小小力捐錢俾佢，就算係一封利是嘅錢都OK㗎！我哋可以積小成多！希望大家可以幫手！」而阿雪便將Jeff的銀行戶口號碼及電話寫出，方便網民能直接捐款到Jeff手中。阿雪出Po不足24小時，網民反應已十分熱烈，紛紛伸出援手並將捐款收據上載到阿雪的Facebook內，對網民的幫忙，阿雪亦逐一回覆道謝。

【患四期肺癌】孫慧雪率藝訓班同學齊撐陳積榮 積極出心出力助老友圓夢 【下一頁】

（↓點擊放大睇圖片↓）

阿雪接受《晴報》訪問，透露昨日到Jeff家中探望他：「Jeff 比之前瘦咗好多，胃唔係咁好，佢右手唔係好郁到，仲咳得好犀利，身體比較虛弱。」在阿雪心目中Jeff性格開朗，現在病魔的折磨下，心情變差又經常收埋自己，所以當見到阿雪時，Jeff忍不住落淚，阿雪說：「佢應該係見到朋友好開心，好多嘢想表達，一時忍唔住喊咗出嚟。」阿雪都不停安慰他為他打氣。

講到網民熱心捐款幫助Jeff，阿雪亦大受感動：「好多謝大家咁熱心幫手，因為今次要籌嘅錢都幾多，因為第3代標靶藥每個月要4萬蚊，如果要做第2階段免疫治療，都需要幾十萬，所以而家同目標籌款仲差一大截，我哋會繼續努力嘅。」阿雪稱除了透過網上呼籲大家捐款外，她和訓練班同學謝珊珊嚟緊會幫Jeff拍一條片，親自呼籲大家幫幫手多啲捐錢；她又表示：「有一啲熱心嘅商舖諗住義賣貨品，直接叫客人將錢捐畀Jeff，真係好多謝大家，希望Jeff加油啦。」

至於Jeff何時開始食第3代標靶藥，阿雪表示：「因為Jeff嚟緊要做檢測同抽針，醫生要睇佢細胞咩情況，先可以批第3代標靶藥畀佢，同埋要等Jeff身體冇咁虛弱，要情況好少少先可以再做電療。」

（↓點擊放大睇圖片↓）

撰文：衛紫敏

《愛回家》︳Terry尋求死唔斷氣演技玩觸電 八千公老闆娘係真·御用死人曾琬莎 【下一頁】