P圖過火？ 陳靜驚變「長臂猿」

陳靜（Dada）向來身材豐滿，她不時在網上分享運動靚相，在密實貼身運動裝下，身材依然甚有睇頭。日前Dada於社交網上載一張到南丫島郊遊的照片，穿上露腰裝的她展現健康性感，但網民錯重點，紛紛研究她的纖長右手，取笑她的右手長得不成比例，疑似P圖過火。網民搞笑指Dada驚變長臂猿，留言說：「你的手長到可以『辦』過對面海」、「建議佢去打籃球」，亦有人笑她似足《海賊王》中的路飛。

網民的搞笑留言，吸引Dada親自回覆，她不但無嬲嬲豬，更大讚網民有創意。她否認P圖說：「睇完大家啲留言，我都覺得好好笑，不過邊有人會P長自己隻手，真係影出嚟係咁，我懷疑我係一路郁住影所以先會咁。」