冒雨Busking 鍾嘉欣王君馨吸引10個觀眾

鍾嘉欣早前與好姊妹王君馨在凌晨時分齊齊到街上busking，兩人互唱在對方婚禮上唱過的英文歌外，還選唱王菲的《執迷不悔》及田馥甄的《小幸運》。雖然當日下着雨，但無損兩人心情，唱得十分投入。不過，戴住口罩的王君馨唱《小幸運》期間突然甩嘴，她擰一擰頭表示︰「唞唔到氣。」

鍾嘉欣則即場點算在場聽歌的途人，笑說︰「剛好十個人，仲要落雨，但有咁多歡呼聲同支持者，我哋真係好開心。我哋啱啱收工，係好偶然咁去做呢件事，歌詞都唔識，要上網搵歌詞。」原來今次是鍾嘉欣叫王君馨陪伴，她多謝君馨說：「多謝你願意為我淋濕個頭，你快啲返屋企沖涼洗頭，我唔想你感冒。」