【聲明】港生活網站並無進行電話推廣活動

冒雨Busking 鍾嘉欣王君馨吸引10個觀眾

發佈時間: 2021/03/04

鍾嘉欣早前與好姊妹王君馨在凌晨時分齊齊到街上busking,兩人互唱在對方婚禮上唱過的英文歌外,還選唱王菲的《執迷不悔》及田馥甄的《小幸運》。雖然當日下着雨,但無損兩人心情,唱得十分投入。不過,戴住口罩的王君馨唱《小幸運》期間突然甩嘴,她擰一擰頭表示︰「唞唔到氣。」

鍾嘉欣則即場點算在場聽歌的途人,笑說︰「剛好十個人,仲要落雨,但有咁多歡呼聲同支持者,我哋真係好開心。我哋啱啱收工,係好偶然咁去做呢件事,歌詞都唔識,要上網搵歌詞。」原來今次是鍾嘉欣叫王君馨陪伴,她多謝君馨說:「多謝你願意為我淋濕個頭,你快啲返屋企沖涼洗頭,我唔想你感冒。」

冒雨Busking 鍾嘉欣王君馨吸引10個觀眾

鍾嘉欣和王君馨大唱多首中英文歌。(影片截圖)