Gary Tong病逝│太極HI-FI德忍痛如期接受訪問 哽咽憶老友「回憶湧出嚟瞓唔到」

太極成員Gary Tong唐奕聰本月2日突然猝逝，樂隊成員都難以接受突如其來的消息，成員劉賢德（Hi-Fi德）早已答應為香港電台節目《守下留情》擔任嘉賓，他昨晚忍痛如期直播，令主持人劉偉恒非常感動和敬佩。德哥形容世事難料，原本打算簡單聊天的訪問，沒想到帶著另一種心情開始，他說：「我都瞓唔著，感覺好奇怪，返工時突然好冇心情，唔係唔開心、唔舒服，後來漫無目的開車返屋企，冇幾耐就收到呢個消息。」

太極Gary Tong唐奕聰疑心臟病猝死終年57歲 曾跟張國榮合作無間【下一頁】

{{hket:inline-image name="155540328_4041034235914773_7411120071494267500_o.jpg"}}{{/hket:inline-image}}

提到此刻的心情，德哥一度哽咽：「好接受唔到，到而家都未平復，接受唔到。琴日（2日）一直有好多好多Gary嘅畫面喺我腦海出番晒嚟，真係好多回憶。」德哥表示早於太極成立，他已經跟Gary是好朋友，相交已經40年，他說：「當時好恨夾Band，去參加比賽但冇朋友彈Keyboard，輾轉之間朋友介紹喺琴行賣琴嘅Gary，Gary好好人，絕對係好好先生，個個人邀請佢去玩，佢都樂意去做，佢個笑容總係令你好舒服、好開心。」德哥指兩個星期前才重返當年Gary工作琴行的位置懷緬昔日情懷，沒想到一切都變成追憶。

德哥表示當時比賽最終得到亞軍，認識蛇仔明和Ricky後組一隊純音樂的樂隊，後來在Band房隔籬又遇到鄧建明和雷有輝等人，於是才組成現時的太極樂隊。對於Gary Tong的性格，德哥說：「佢係一個大細路，好鍾意玩，好隨意，冇仇人，咩都唔會介意，相處令人好舒服，為人咁多年都冇變。佢一日花好多個鐘喺音樂上，佢係無條件做好佢想做嘅嘢。」德哥特別點歌《天安門的風箏》，他直言死訊傳來後，他重聽不少Gary的作品，眼淚不停流下來。

（↓點擊圖片放大↓） 

Gary Tong唐奕聰離世│環球FB急推太極專輯被轟發死人財 鄭中基激動爆粗鬧爆冇人性【下一頁】

德哥直言太極原本打算去年開騷，因疫情關係延至今年，但一直都未有定案，他透露演唱會的海報早已拍好，現時失去了他，相信成員都需要時間去平復心情，暫時不會傾工作安排。而劉偉恒在同一節目曾經訪問過Gary Tong，今、明兩晚將會在節目中重播訪問，以懷念Gary。

另外，夏韶聲在自己的YouTube Channel懷緬好友Gary Tong，他留言說：「看着他出道....至到成名, 從沒有閒言閒語, 終日笑口常開, 實實在在的音樂人, 可惜大家失去他了。」在片中，夏韶聲一臉愁容，他說：「隨年漸長，壞消息一個接一個，來得很突然和意想不到，1985年我灌錄這個唱片時，有個小朋友坐喺錄音室門外等住為我彈奏呢首歌，《童年時》呢首歌有幾個版本，但我最鍾意呢個版本，聽聽這首歌，話畀Gary Tong知，我哋會記得佢。」

責任編輯：楊安莉