2年前患子宮癌│金燕玲自爆上月再確診患乳癌 激動落淚「唔難受但真係好驚」

66歲的資深演員金燕玲見密友蘇施黃轉型非常成功，在YouTube的訂閱人數越來越多，她都決定開設個人YouTube Channel，分享個人生活的感受。金燕玲在昨晚首個短片拋出令人震撼的消息，原來她在今個農曆年度過了不一樣的新年，因她繼兩年前不幸患上子宮癌之後，新年前在做運動拉筋時感覺到左胸有粒不明物體，後來經醫生診斷後正證實患上一期乳癌。

64歲金燕玲自揭患子宮癌 「最唔想個女知道」【下一頁】

{{hket:inline-image name="4e5834a5-0bf2-4053-be7a-f4dbcd273bcb.jpg"}}{{/hket:inline-image}}

金燕玲分享時表現從容，全程笑笑口，不過她後來提到再次患癌的過程時，她都難掩情緒：「我即刻搵醫生檢查，直至年初五確診係乳癌，點解我要開YouTube去講呢？人人都分享飲食扮靚，一來我希望呢件事由我自己口中講出嚟，二來係我之前患癌呼籲大家做身體檢查同埋買保險，但今次我唔係因為身體檢查揭發，係我自己摸到，對我嚟講可能係上帝保佑我，竟然畀我自己發現到。呢粒嘢（腫瘤）好細，我好幸運，因為已經開刀做完手術。」她表示自己屬癌症的一期B，沒必要切除整個乳房，但仍要接受電療。她邊說邊哽咽說：「心情經過係好驚，我一講就好……我唔係難受，但個經歷真係好驚，原來胸對女人嚟講係幾緊要，醫生見完我話係樂觀，因為粒嘢（腫瘤）唔大，但佢話要開刀之後，一路做手術一路檢驗有冇擴散。」幸好，最終金燕玲的腫瘤被切除，而兩粒淋巴亦沒有受到癌細胞感染，手術後第二日就出院，連朋友都驚訝，出院後再休息了一天，她就外出拍攝短片。

金燕玲表示身邊不少朋友都非常擔心，她表示將自己的故事講出來是想提醒大家，她說：「我呼籲大家，當你得閒冇事就去摸吓，平時我都唔會摸，因為根本唔知腫瘤係點，但我今次經驗話畀大家知，原來我個胸突然好脹，粒嘢會覺得『哽』住好明顯，如果你摸到一粒奇怪嘢，就立即搵醫生。」另外，她直言生病時最不想擔心醫藥費或者住院的問題，所以買保險的費用絕對不可以節省，因她雖生病但亦不想成為身邊人的負擔。

（↓點擊圖片放大↓） 

金燕玲哭訴化療之苦 骨痛如針刺：生不如死【下一頁】

金燕玲說：「可能好多人問有冇搞錯中兩次，係，我中過流感，兩年前後打孖上兩個癌症，但我不得不講我係好幸運嘅人，今次絕對係不幸中之大幸。」而蘇施黃上載一張兩人的合照，並留言大讚金燕玲抗癌非常厲害，她說：「昨晚金小姐的新Youtube channel『金燕玲 隨心。隨興 』一出，有很多朋友及粉絲的慰問。金小姐叫我代感謝大家。佢真係好犀利的，做完手術第二日已出院，第三天已出街佢話唔好當自己有病匿埋喺屋企喎。我做司機蘇，駕車也小心翼翼，費事揼親佢。這幅相是手術後拍攝的，衷心多謝大家關心。」

責任編輯：楊安莉