不幸患四期肺癌│馬浚偉唱歌為陳積榮籌醫藥費 「希望佢快啲好番幫手拍戲」

37歲前無綫藝員陳積榮（Jeff）去年不幸患上第四期肺癌，為了接受不同的治療方法，耗盡積蓄。近日好友孫慧雪再次為Jeff公開籌集醫藥費，希望可以幫助他度過難關。一向關注癌症病人的馬浚偉知悉之後，昨晚立即在Facebook直播唱歌，並透露Jeff的情況和戶口號碼，希望可以儘一分力量為對方籌款。馬仔在FB跟好友Matthew合作，連續唱了兩個多小時，用正能量歌曲感染大家。馬仔早已聯絡過Jeff了解情況，「佢而家身體比較虛弱，唔係好夠氣講嘢，一個30幾歲年輕人患四期肺癌，我見到佢好積極同努力，好想儘快康復，可以繼續拍戲。我好欣賞年輕人咁有目標，佢而家經濟比較拮据，所以希望為佢籌到一啲費用，呼籲大家多多支持佢。」

積蓄耗盡︳孫慧雪出Po為好友陳積榮籌藥費 病況轉差：「佢見到我忍唔住喊」【下一頁】

{{hket:inline-image name="03_600.jpg"}}{{/hket:inline-image}}

{{hket:inline-image name="f4fc5eac-db88-4b24-bf95-b42b91eeaa4a.jpg"}}{{/hket:inline-image}}

Facebook直播期間，馬浚偉特別將《前程錦繡》一曲送給Jeff，而Jeff都有現身留言多謝大家，不過馬仔太擔心身體虛弱的他，催促他盡快休息。而曾獲馬仔唱Live籌款的抗癌歌手李明蔚亦有留言，原來明蔚現時正接受第四次療程，進度不錯，她亦有為Jeff打氣。

馬浚偉接受《晴報》電話訪問，對於今次為Jeff籌款的成效，他說：「我冇問佢籌到幾多，有心人捐多捐少唔係我可以控制到，但我見好多留言都話已過數，好感恩。我會繼續呼籲更多人幫忙。舊年知道佢病，今年農曆新年，佢都有留言向我拜年，大家仲約定等佢好番之後，我搵佢拍戲。最近先知佢原來身體情況好反覆，而且經濟拮据，聽到個心都悒一悒。我對癌症病人特別上心，希望今次呼籲可以幫到佢。」馬仔約定Jeff在情況理想下一齊入錄音室錄歌留念。

馬浚偉被樓上鄰居嚴重噪音滋擾 嘈足一年多忍無可忍提民事訴訟【下一頁】

一向熱心幫人的馬浚偉因著一年多受樓上鄰居噪音滋擾，而要訴諸法律。他表示：「其實件事冇乜影響我情緒，發生一年幾以來，我情緒都調節得好好，不過的確影響到休息。近排佢仲變本加厲，凌晨兩點、三點突如其來一吓巨響嘈醒我，嗰種聲音好似六磅保齡球掉落木地板一樣！」馬仔表示對該鄰居作出多次勸籲，但不應該濫用他的包容心，「佢完全冇公德心，以為幾個臭錢就想打發我搬走？以為我哋係藝人就會怕事？」

馬仔表示自己公開事件，是因為深明香港的噪音管制實在沒有足夠的法例能夠保障受害苦主，他成立「香港住所噪音滋擾受害者大聯盟」FB之後，體會到不少人同樣受到噪音困擾。「我算好幸運，住私家樓有管理公司幫忙，我亦可以搵律師訴諸法律，好多住公屋、居屋嘅人真係有冤無路訴。我而家算係民間專家，對於點樣搜證都認識好多，希望真係可以幫到大家。我下一步會同政府部門去傾，點解一直以嚟公民教育冇教大家點樣要有公德心，儘量減少噪音唔好影響到鄰居？呢個係我下半生嘅其中一個使命！」

責任編輯：楊安莉