愛回家X陀槍師姐︱滕麗名爆嘉嘉有個特徵似金城安 豪宅Home Tour 網友爭做鄰居？

滕麗名有份主演《愛回家之開心速遞》及《陀槍師姐2021》，分別飾演「陳三元」及「熊尚善」。記得在《陀槍師姐III》(2001年) 中，陳三元與程峰 (魏駿傑 飾) 育有一對仔女程莎莎、程嘉嘉，在第24集時，交代程嘉嘉被撕票後極速出殯，因劇情推進太急，有觀眾斷言程嘉嘉只是詐死，目的只是逃避仇家咁話！

最近facebook專頁「See See TVB」拍咗條片，為大家列出《愛回家》金城安 (周嘉洛 飾) 可能就是程嘉嘉的線索，令網民無限FF！之後當時人仲解畫表示︰「就算我陳三元有個仔 (未死) 都好，都唔會係廢青 (金城安花名)！」

{{hket:inline-image name="1.jpeg"}}{{/hket:inline-image}}

昨日滕麗名與周嘉洛出席《愛回家》活動前接受本報訪問，提到「See See TVB」該條「線索短片」，兩人直言充滿驚喜。阿滕說：「咁樣亂撞幾好笑，無諗過件事幾爆！同埋最緊要我提醒咗我阿爸根叔 (劉丹 飾)，『你老婆係朱咪咪』？終於搵到佢啦！」

而周嘉洛亦大讚影片好有創意，「犀利呀咁都link up到，我覺得個說法都好合理，因為嗰陣程嘉嘉個結局都完結得好倉卒！」

（↓點擊圖片放大睇↓）

提到當時飾演程嘉嘉的小演員馬俊榮，阿滕指對佢記憶好深刻，「佢係唔識得唔笑嘅細路！拍佢時好慘，因為佢嘅嘴角天生向上翹，你要佢做喊戲佢係做唔到，(你記得咁清楚) 因為佢好可愛好得意，好深刻。」

她指當時為了令他喊得出，同導演日日氹佢，「用好多方法引佢喊，叫佢諗啲唔開心嘢，例如媽咪唔畀佢玩佢會點……但佢嘴角都會向上翹。最後直接啲叫佢扁起個嘴！佢係一個唔識唔開心嘅細路仔，所以我就好記得好記得！喂，金城安你嘴角都向上翹……」旁邊的周嘉洛隨即賣口乖說︰「我都係我都係 (嘴角天生向上翹)，多謝媽媽，我愛你！」

{{hket:inline-image name="tang4_600.png"}}{{/hket:inline-image}}

那麼《愛回家之開心速遞》劇組會否找陳三元女兒程莎莎 (黃美棋 飾) 客串一角？阿滕指暫時未有此打算，而周嘉洛畀意見，「劇情上可以寫陳三元、熊尚善crossover ，但因為個小朋友死咗，所以得熊尚善同金城安......」(咁可以搵黃美棋返嚟？) 阿滕即取笑周嘉洛，「你咁唔想姊弟重逢？其實我覺得你個樣大過美棋！」

{{hket:inline-image name="tang_600.png"}}{{/hket:inline-image}}

最近阿滕以「熊尚善」身分接拍了一個元朗南的樓盤廣告，她在自己IG上載片段，帶大家來個豪宅Home Tour ; 而剛巧她早前搬新屋，咁隨時有網民誤當樓盤環境就係新屋！「唔會啦！話時話，遲咗半步，我個時已經簽晒紙 (新屋) 先有呢個樓盤，所以就話投資一定要做好research，哈哈！」同時指《愛回家》帶挈她有廣告拍，「唔錯㗎！《愛回家》帶畀我好多不同工作機會。」

（↓點擊圖片放大睇 樓盤廣告Home Tour 同埋 阿滕新屋內貌↓）

《陀槍師姐2021》︱金城安被質疑係陳三元個仔嘉嘉 網民列出三大線索 滕麗名親自解畫 【下一頁】