《愛回家》派3D眼鏡預告有立體根叔睇？ 監製林建祥：「希望大家有集體回憶」

《愛回家之開心速遞》播出至今歷時四年，劇組不時都會炮製驚喜，為觀眾和粉絲帶來新鮮感。昨日在《愛回家》的記者會上，大會安排一眾演員戴上特製眼鏡大合照，原來他們率先預告，3月15日播出的第1178集《愛回家》將會搞搞新意思，劇情內容會提到熊樹根（劉丹飾）過去的黑歷史！當晚會讓觀眾可以喺電視機畫面上體驗到3D效果。

《愛回家》熊家辦金剛門春茗變廣告雜誌 網友笑指：勁似bigbig shop【下一頁】

{{hket:inline-image name="800_342b15a3a7670a05fb6e4623290fd3e2.jpg"}}{{/hket:inline-image}}

電視觀眾只需要戴上傳統紅藍3D眼鏡就可以看到有趣的特別效果，而下星期一（3月8日）在TVB Facebook將會派發3D眼鏡，方便大家收看的時候使用。

《愛回家》的金牌監製林建祥接受《晴報》電話訪問，他表示：「15號播出嗰集有個特別情節，我哋就用咗公司部3D攝影機拍攝，達到3D效果，咁當然唔係而家入戲院睇荷里活電影嗰種，而係居家少少，戴副紅藍3D眼鏡就會睇到。其實對我同觀眾而言都係一個集體回憶，以前3D技術就係戴呢種眼鏡，或者喺屋企整一副，就可以睇到3D版《大白鯊》之類，好有回憶。」

(點擊圖片放大)

《陀槍師姐2021》︱金城安被質疑係陳三元個仔嘉嘉 網民列出三大線索 滕麗名親自解畫【下一頁】

監製透露TVB FB下星期一將會送出一批紅藍3D眼鏡，如果觀眾沒有的話，自製一樣都可以，非常容易簡單。他表示當晚劇情跟熊樹根有關，立體片段大約1分鐘。他說：「其實就咁睇畫面都可以，不過戴上3D眼鏡就有個特別嘅效果。拍攝呢個立體場面，所有工作人員都非常辛苦，鏡頭要保持有一定距離，所以拍嘅時候要不斷度尺，而且剪片、合成都要花功夫同設計，《愛回家》團隊係好想加啲新意，同觀眾互動一下，開開心心！」

責任編輯：楊安莉