閨密玩踢爆︳黃翠如要求陳自瑤重演黑面Mode 認性格缺憾 剪短頭髮諗足成年

陳自瑤在YouTube開設頻道《Yoyo Chen》開播3星期已經突破5.5萬訂閱人數，成績非常搶眼。內容延續上一集，Yoyo請來好姊妹黃翠如和連詩雅 (Shiga) 大玩「閨密大踢爆」。

Yoyo在外界眼中cool到一個點，尤其對老公王浩信攞視帝榮銜，在頒獎台上眾目睽睽向她講多謝宣言時，她卻擺出的「零表情」，一副事不關己模樣。今集翠如竟然要Yoyo重演表情一次，認真好姊妹呀吓 !

{{hket:inline-image name="30.jpg"}}{{/hket:inline-image}}

Yoyo找來連詩雅和黃翠如現身網上節目，翠如點解形容Yoyo有刺呢 ? (圖片：網上截圖）

{{hket:inline-image name="39.jpg"}}{{/hket:inline-image}}

Yoyo的外表Cool爆，佢解釋只係慢熱啫。(圖片：陳自瑤IG）

Yoyo提議用生果來互相形容對方，翠如反應好快指她像菠蘿，「我認識嘅阿Yo身上係帶刺！」並叫Yoyo對著鏡頭收起笑容，Yoyo聽話跟著做，就如當晚頒獎禮一樣的「零表情」，翠如抵死說 : 「你哋覺得佢好寸，佢個樣擺出嚟，就好似對每一件事都有好多睇法。其實佢外表似帶刺嘅菠蘿，但內心係好甜嘅女仔。」

Yoyo附和翠如的解讀，承認問題是自己個性太慢熱，「以前細個更加嚴重，而家已經盡量調節自己，大家唔覺得我好咗好多咩？」翠如和Shiga都感到Yoyo有所改善，「你雖然係菠蘿，但你內心好甜，你有種愛心，真係同佛一樣，愛同埋包容度超強 !」

萬千星輝頒獎典禮2020│陳自瑤表情被洗版回家即出Po 網友剝花生：你先係最佳視后 【下一頁】

（↓點擊圖片放大↓）

Yoyo說到每拍一齣劇集，都會入骨入肉去演活角色，「個角色性格係點，嗰個時期我就係嗰個狀態，會變成角色嗰種人，動態都會似埋。」Yoyo以劇集《那些我愛過的人》的角色錢莉媛為例，「呢個角色好funny，成日會溝仔同偷望異性，又同啲好姊妹好sweet，我就會變成嗰個狀態，但其實平時嘅我唔係咁。」翠如見證Yoyo角色上身，當見到龍爺（林文龍飾），雙眼發光說「龍爺真係好靚仔呀 !」又會去問顧定軒「你而家幾歲啫？」完全不似平時的冷酷Yoyo !

Shiga亦大爆Yoyo笑馬貫東好怕醜，覺得劇集拍畢，Yoyo沒有完全抽離角色，她表示 :「因為呢個角色性格可以令大家好開心，大家都feel到佢嘅開心嘅energy。」談到大家缺點時，Shiga指Yoyo的缺點亦她的優點，「佢會將一樣嘢諗得太多，好執著，真係over think太過犀利。」

而原來Yoyo決定將長髮剪短，足足花了1年時間去考慮，她笑道：「所以我開呢個頻道真係籌備咗1年時間，唔係講笑，冇呃大家囉 !」同時稱很開心認識到翠如和Shiga，並更成為好朋友，當遇到不開心時，有人可以給予意見，互相發放正能量，「我哋都有樂觀同悲觀一面，我係諗得太多，所以要靠你哋嚟撳住我，唔好諗咁多。」

（↓點擊圖片放大↓）

撰文 : 衛紫敏

首批藝人勇士︳林青霞66歲自爆已接種科興疫苗 肥媽針後零反應：「似被牙籤篤」【下一頁】